مہوا موئترا آج کیش فار کوئری کیس میں ایتھکس کمیٹی کے سامنے پیش ہوں گی

ٹی ایم سی ایم پی مہوا موئترا آج ایتھکس کمیٹی کے سامنے کیش فار کوئری کیس میں پیش ہوں گی۔ اس سے قبل انہوں نے بزنس مین درشن ہیرانندانی سے جرح کی اجازت مانگی تھی۔ cash and query case

نئی دہلی: ترنمول کی رکن پارلیمنٹ مہوا موئترا آج کیش فار کوئری کیس میں ایتھکس کمیٹی کے سامنے پیش ہوں گی۔ بی جے پی کے رکن پارلیمنٹ نشی کانت دوبے نے ان پر لوک سبھا میں پیسے لینے اور سوال پوچھنے کا الزام لگایا تھا۔ جس کے بعد سیاست گرم ہو گئی۔ اس معاملے نے زور پکڑا اور تحقیقات کا موضوع بن گیا۔ بی جے پی رکن پارلیمنٹ نے لوک سبھا اسپیکر اوم برلا سے اس معاملے کی تحقیقات کرانے کی اپیل کی، جس کے بعد یہ کیس ایتھکس کمیٹی کو بھیج دیا گیا۔

اس سے پہلے منگل کو مہوا موئترا نے کہا تھا کہ وہ جمعرات کو لوک سبھا کی ایتھکس کمیٹی کے سامنے پیش ہوں گی۔ اس کے ساتھ ہی، انہوں نے کیش فار کوئری کیس میں الزامات پر تاجر درشن ہیرانندانی اور ایڈوکیٹ جئے اننت دہرائی سے جرح کرنے کی اجازت مانگی۔ اس کے ساتھ ہی مہوا نے ایتھکس کمیٹی کے سامنے پیش ہونے کے لیے 5 نومبر کے بعد کی تاریخ دینے کی درخواست کی تھی، لیکن کمیٹی نے ان کی درخواست کو مسترد کرتے ہوئے 2 نومبر کو پیش ہونے کو کہا۔ مہوا نے کہا کہ جب وہ ایتھکس کمیٹی کے سامنے پیش ہوں گی تو وہ اس جھوٹ کو ختم کر دے گی۔ انہوں نے کہا کہ اگر میں ایک روپیہ بھی لیتی تو بی جے پی مجھے اب تک جیل میں ڈال دیتی۔ انھوں نے کہا کہ میرا کوئی کچھ بگاڑ نہیں سکتا۔

مہوا نے کمیٹی پر سوال اٹھائے:

ٹی ایم سی ایم پی نے کہا کہ سال 2021 کے بعد سے اس ایتھکس کمیٹی کی ایک بھی میٹنگ نہیں ہوئی ہے۔ کمیٹی نے اپنا ضابطہ اخلاق بھی تیار نہیں کیا۔ مہوا نے کہا کہ اگر میرے خلاف کوئی مجرمانہ الزام ہے تو ایجنسیوں کو جانچ کرنی چاہئے۔ ایتھکس کمیٹی کسی کے ذاتی معاملے کی تحقیقات کرنے کی جگہ نہیں ہے۔

وہیں اس معاملے میں ہوئی تازہ پیش رفت میں یہ بات بھی سامنے آئی ہے کہ مہوا موئترا کا پارلیمانی اکاؤنٹ دبئی سے لاگ ان ہوا تھا۔ ساتھ ہی یہ بھی انکشاف ہوا ہے کہ یہ اکاؤنٹ ایک یا دو بار نہیں بلکہ 47 بار دبئی سے کھولا جا چکا ہے۔ خبر رساں ایجنسی پی ٹی آئی کے مطابق مہوا موئترا نے اعتراف کیا کہ انہوں نے اپنے پارلیمانی اکاؤنٹ کی لاگ ان تفصیلات بزنس مین درشن ہیرانندانی کے ساتھ شیئر کی ہیں۔ اس نے ہیرانندنی کو اپنا دوست بتایا تھا۔ تاہم مہوا نے پیسے لینے لے کر سوال پوچھنے کے تمام الزامات کو یکسر مسترد کر دیا ہے۔