قومی دارالحکومت دہلی سمیت کورونا کا بحران پورے ملک میں حاوی ہے اور اس کے نتیجے میں بہت سارے سامان کی ضرورت ہے، ان میں سب سے نمایاں پرسونل پروٹیکٹیو ایکیوپمنٹ (پی پی ای) کی ہے جو ہسپتال میں کام کرنے والے ڈاکٹرزاور دیگر عملے کے لیے ضروری ہے، لیکن اس کی کمی کی بھی خبر مسلسل آرہی ہے۔
اب ایک این جی او نے دعوی کیا ہے کہ اس نے ایک ایسی پی پی ای بنائی ہے جو دھلی بھی جاسکتی ہے، اور یہ کٹ کو محلہ کلینک کے ڈاکٹروں میں مفت تقسیم کی جارہی ہے، اس این جی او کو ماؤنٹ کیلاش آر ڈبلیو اے کا تعاون بھی حاصل ہے۔
این جی او سے وابستہ لوگوں نے بتایا کہ ماؤنٹ کیلاش آر ڈبلیو اے اور این جی او کے لوگوں نے مشترکہ طور پر دھوسکنے والی پی پی ای ڈیزائن کی ہے اور پھر اسے خود اپنے پیسوں سے بنا کر محلہ کلینک کے ڈاکٹروں کو اس این جی او کے ذریعہ مفت ڈاکٹروں میں تقسیم کیا ہے۔
این جی او کا کہنا ہے کہ اس پی پی ای کو کیڑوں کی طرح استعمال کے کرکے دھویا جاسکتا ہے اور دوبارہ استعمال کیا جاسکتا ہے، نیز اسے کئی بار دھو کر بھی استعمال کیا جاسکتا ہے۔
خیال رہے کہ کورونا کے علاج میں تعینات ہسپتالز کے ڈاکٹرز اور ہسپتالز کے دوسرے عملے کو پی پی ای کی ضرورت ہے۔