میتھلی زبان و ادب کو فروغ دینے پر انعام

اردو کے ساتھ ساتھ اب میتھلی زبان کے لیے بھی عام آدمی پارٹی مہربان ہوئی ہے اور پارٹی نے میتھلی زبان کو بھارت کی سرکاری زبانوں میں شامل کرنے کی بات کہی ہے۔

حال ہی میں اردو زبان سے متعلق ایک خبر شائع ہونے کے بعد دہلی کے نائب وزیراعلیٰ نے ڈائریکٹر آف ایجوکیشن کو خط لکھ کر اردو کی خالی اسامیوں کو پر کرنے سے متعلق جواب طلب کیا تھا۔

عام آدمی پارٹی کے رہنما راگھو چڈھا نے بتایا کہ 'ان کی حکومت نے میتھلی زبان و ادب کی ترویج و تشہیر کے لیے کام کرنے والے لوگوں کو انعامی رقم کے طور پر دو لاکھ 51 ہزار روپے دینے، آئی اے ایس میں میتھلی زبان کو بطور مضمون انتخاب کرنے پر مفت کوچنگ دینے سمیت دیگر کئی اعلانات کیے ہیں۔

عآپ کے قومی دفتر پر منعقد پریس کانفرنس میں راگھو چڈھا نے صحافیوں کو بتایا کہ 'ان کی پارٹی کی جانب سے اس اعلان کے بعد بی جے پی کے رہنما اس بیان پر تنقید کرکے میتھلی زبان کے خلاف ان کی دشمنی کو واضح کر رہے ہیں۔'