رمضان میں انتخابات سے مسلم ووٹنگ میں کمی آئے گی؟

لوک سبھا انتخابات کے کئی مراحل کی ووٹنگ رمضان کے مہینے میں ہو گی، ایسے میں وزیر اعظم نریندر مودی کے حلقے کے مسلمان بھی خوش نظر نہیں آ رہے ہیں۔

بنارس کے سیاسی و سماجی کارکنان نے اس بات پر اعتراض کیا کہ عام انتخابات کی تاریخوں کے اعلان کے دوران ماہ رمضان کا خیال نہیں رکھا گیا۔

وزیر اعظم نریندر مودی بنارس سے رکن پارلیمنٹ ہیں لیکن عام لوگوں کی ان تک رسائی نہیں ہونے کی بات سامنے آرہی ہے۔

الیکشن کمیشن کی جانب سے رمضان میں انتخابات کرانے کے فیصلے پر جمعیت علما مدھیہ پردیش نے بھی سوال کیا ہے اور اس پرنظر ثانی کے لیے زور دیا ہے۔

سیاسی و سماجی کارکنان کے مطابق ماہ رمضان میں مسلمانوں کی مصروفیات بڑھ جاتی ہے جس کی وجہ سے ان کا ووٹنگ فیصد کم ہو سکتا ہے۔ اس اندیشے سے انکار نہیں کیا جا سکتا ہے۔