معروف سماجی کارکن سوامی اگنی ویش کا انتقال

معروف سماجی کارکن اور آریہ سماج کے معروف رہنما، سوامی اگنی ویش نے آج نئی دہلی کے انسٹی ٹیوٹ آف لیور اینڈ بائلری سائنسز میں آخری سانس لی۔

سوامی اگنی ویش منگل کے روز سے ہی کافی پریشان تھے، وہ لیور سائراسس سے متاثر تھے اور متعدد اعضاء کی ناکامی کی وجہ سے شدید بیمار تھے۔ جمعہ کے روز ان کی طبیعت کافی خراب ہو گئی اور شام کے چھ بجے انہیں دل کا دورہ پڑا اور ان کا انتقال ہو گیا۔

'بندھوا مکتی مورچہ' کے قائم مقام صدر سوامی آریہ ویش نے بتایا کہ سوامی اگنی ویش کا جسد خاکی 12 ستمبر کو صبح گیارہ سے دوپہر دو بجے تک آخری دیدار کے لئے 7جنتر منتر مارگ پر واقع دفتر میں رکھا جائے گا۔ انکی آخری رسومات اسی دن شام چار بجے گروگرام ضلع میں اگنی لوک آشرم،بہلپا میں ادا کی جائیں گی۔