اپوزیشن کا ملک بھر میں مفت ٹیکہ کاری مہم شروع کرنے کا حکومت سے مطالبہ

کورونا وائرس کے بڑھتے معاملوں کے درمیان 13 سیاسی جماعتوں کے رہنماؤں (اپوزیشن لیڈرس) نے مرکزی سرکار کو مشترکہ طور پر خط لکھ کر ملک بھر میں مفت ٹیکہ کاری کی مہم چلانے کی مانگ کی ہے۔

کورونا وائرس کے بڑھتے معاملوں کے درمیان حزب مخالف کی 13 سیاسی جماعتوں کے رہنماؤں نے مرکزی حکوت کو مشترکہ طور پر خط لکھ کر ملک بھر میں مفت ٹیکہ کاری مہم چلانے کی مانگ کی ہے۔

ایک مشترکہ بیان میں انہوں نے مرکز سے یہ بھی مطالبہ کیا کہ وہ تمام ہسپتالوں اور صحت مراکز کو بلا تعطل آکسیجن کی فراہمی کو یقینی بنائے کیونکہ آکسیجن کی کمی سے ہر روز ہزاروں اموات ہو رہی ہیں اور کورونا کے معاملوں میں بھی تیزی سے اضافہ ہورہا ہے۔

13 سیاسی جماعت کے رہنماؤں کا ملک میں مفت ٹیکہ کاری مہم شروع کرنے کا مطالبہ

جن رہنماؤں نے مرکزی سرکار سے ملک گیر پیمانے پر مفت ویکسینشن کی مانگ کی ہے ان میں کانگریس کی عبوری صدر سونیا گاندھی، سابق وزیراعظم ایچ ڈی دیوگوڑا، این سی پی کے صدر شرد پوار، شیوسینا کے سربراہ ادھو ٹھاکرے، ٹی ایم سی کی صدر ممتا بنرجی، جھارکھنڈ کے وزیراعلی ہیمنت سورین، بی ایس پی کی سربراہ مایاوتی، جموں و کشمیر کے سابق وزیراعلی و نیشنل کانفرنس کے صدر فاروق عبداللہ، سماجوادی پارٹی کے صدر اکھلیش یادو، بہار کے سابق نائب وزیراعلی تیجسوی یادو، ڈی ایم کے، کے صدر ایم کے اسٹالن، تیج پرتاپ یادو، ڈی راجہ، سی پی آئی (ایم) کے رہنما سیتارام یچوری کے نام شامل ہیں۔