'کھٹیا پنچایت میں کسانوں نے نئے زرعی قوانین کا خیر مقدم کیا'

دہلی اسمبلی میں اپوزیشن کے لیڈر رام ویر بدھوڑی نے اتوار کو کہا کہ نریند رمودی کی حکومت میں لائے گئے تاریخی زرعی اصلاحات قانونوں سے ملک کے کروڑوں کسانوں کو فائدہ ہوگا۔

بدرپور اسمبلی حلقے کے مولڑ بند وستار واقع چودھری چرن سنگھ سنگھ شاہراہ پر آج نئے زرعی اصلاحات قوانین کی حمایت میں منعقد کسانوں کی 'کھٹیا پنچایت' کو خطاب کرتے ہوئے رام ویر بدھوڑی نے کہا کہ نئے زرعی قانون کسانوں کے لئے کافی فائدے مند ثابت ہوں گے۔

انہوں نے کہا کہ کم از کم امدادی قیمت (ایم ایس پی) کا نظام جاری رہے گا اور منڈیوں میں پہلے کی طرح ہی کسانوں سے اناج کی سرکاری خریداری کی جائے گی۔

اتنا ہی نہیں حکومت نے نئے قانون لاکر یہ بھی یقینی بنایا ہے کہ کسان کی فصل کی قیمت کی ادائیگی صرف تین دنوں میں کردی جائے۔

انہوں نے کہا کہ زرعی اصلاحات قانون سے کسانوں کی آمدنی میں اضافہ ہوگا۔ زرعی پیداوار بڑھے گی۔ روزگار کے نئے مواقع پیدا ہوں گے اور کسانوں کے گھر میں خوشحالی آئے گی۔