Ifham-o-Tafheem by ST Raza: ایس ٹی رضا کی کتاب تفہیمات کا اجرا

فن کاروں اور تخلیق کاروں کی کثیر تعداد ایسی ہے جن کی زندگی پپر ابھی تک کچھ زیادہ نہیں لکھا گیا ہے۔ ایس ٹی رضا نے جن فن کاروں اور تخلیق کاروں کو موضوعِ تحریر بنایا ہے وہ اپنے تخلیقی و فنی میدانوں میں غیر معمولی اہمیت و شہرت رکھتے ہیں۔ Launch of ST Raza Book of Ifham o Tafheem

نئی دہلی:روزنامہ دور جدید کے مدیر ایس ٹی رضا کے مضامین اور تبصروں کے مجموعے ‘تفہیمات’ کا اجرا اردو کی مایہ ناز شخصیات کے ہاتھوں عمل میں آیا۔ اس موقع پر قومی کونسل برائے فروغ اردو زبان کے ڈائریکٹر پروفیسر عقیل احمد نے کہا کہ اس کتاب کے مشمولات قابلِ مطالعہ ہیں اور اپنے موضوعات کا بھرپور احاطہ کرتے ہیں۔ انھوں نے کہا کہ ایس ٹی رضا نے جن فن کاروں اور تخلیق کاروں کو موضوعِ تحریر بنایا ہے وہ اپنے تخلیقی و فنی میدانوں میں غیر معمولی اہمیت و شہرت بھی رکھتے ہیں۔ Launch of ST Raza Book of Ifham o Tafheem

ڈائریکٹر پروفیسر عقیل احمد نے کہا کہ ایسے فن کار اور تخلیق کار کثیر تعداد میں ہیں جن پر ابھی ان میں سے بیشتر کے بارے میں زیادہ نہیں لکھا گیا ہے۔ لیکن ایس ٹی رضا نے ان کے فکر و فن کا جائزہ لے کر ان کی خدمات کے اعتراف کا اچھا سلسلہ شروع کیا ہے۔
قابل ذکر ہے کہ اس کتاب میں جن تخلیق کاروں پر مضامین شامل ہیں ان میں سلام مچھلی شہری، زبیر الحسن غافل، پروفیسر مناظر عاشق ہرگانوی، مشرف عالم ذوقی، تبسم فاطمہ، ڈاکٹر سید احمد قادری، اسلم جمشیدپوری، شکور انور، ابرار احمد شبیری کامل، حبیب سیفی اور امیر نہٹوری شامل ہیں۔

ان کے علاوہ چھ کتابوں پر مصنف کے تبصرے بھی اس کتاب کا حصہ ہیں۔ کتاب کے مصنف ایس ٹی رضا نے قومی اردو کونسل کے ڈائرکٹر پروفیسر شیخ عقیل کا تہہ دل سے شکریہ ادا کیا اور کہا کہ یہ کتاب دراصل وقتاً فوقتاً لکھے گئے میرے مضامین اور تبصروں کا مجموعہ ہے جنھیں افادۂ عام کے لیے کتابی شکل میں مرتب کیا گیا ہے۔ اس موقع پر معروف شاعر طالب رامپوری، سندھی اخبار سمواد کے چیف ایڈیٹر شری کانت بھاٹیا وغیرہ کے علاوہ دیگر افراد بھی موجود تھے۔