مرکزی حکومت اور دہلی حکومت کے مابین محاذ آرائی کی صورتحال ایک بار پھر پیدا ہوتی نظر آرہی ہے۔
وزیر اعلیٰ ارویند کیجریوال اور نائب وزیر اعلیٰ منیش سسوڈیا کو میلانیا ٹرمپ کے دہلی اسکول کے دورے کے پروگرام میں شرکت سے خارج کردیا گیا ہے۔
عام آدمی پارٹی کے ذرائع کے مطابق مرکزی حکومت کے دباؤ کے بعد دونوں رہنماؤں کے نام واپس لے لئے گئے ہیں۔
عام آدمی پارٹی کے ذرائع کا کہنا ہے کہ مرکزی حکومت نے سی ایم کیجریوال اور منیش سسودیا کے نام نکالنے کے لئے امریکی سفارتخانے پر دباؤ ڈالا۔
قیاس کیا جارہا تھا کہ وزیراعلیٰ کیجریوال اور نائب وزیراعلیٰ منیش سیسودیا میلانیا ٹرمپ کا اسکول میں خیرمقدم کریں گے۔
ادھر بی جے پی کے ترجمان سمبت پاترا نے عام آدمی پارٹی کے الزامات کی تردید کی ہے۔ انہوں نے کہا ایسے اہم پروگرامز میں سیاست نہیں ہونی چاہیے۔ انہوں نے کہا بھارتی حکومت، امریکی حکومت کو صلاح نہیں دیتی کہ کس پروگرام میں کس شخص کو شامل کرنا ہے۔ انہوں نے کہا بی جے پی 'تو تو میں میں' کی سیاست میں یقین نہیں رکھتی۔
واضح رہے میلانیا ٹرمپ کا دہلی کے اسکول کا دورہ 25 فروری کو ہونا ہے۔
