بی جے پی کے الزام کارڈ پر کیجریوال کا ردعمل

آئندہ برس کے آغاز میں ہونے والے دہلی اسمبلی انتخابات میں ایک بار پھر عام آدمی پارٹی کی فتح کے سلسلے میں پُر اعتماد وزیراعلیٰ اروند کیجریوال نے کہا کہ بی جے پی کے الزام کارڈ کے اچھے مشوروں پر وہ آئندہ پانچ برسوں میں عمل درآمد کروائیں گے۔

بی جے پی نے عام آدمی پارٹی حکومت کے رپورٹ کارڈ کے عوض 'الزام کارڈ' جاری کیا جس میں کیجریوال کی حکومت کے پانچ برس کی مدت کار کو ناکام، جھوٹ اور دھوکہ دینے والی حکومت قرار دیا۔

بشکریہ ٹویٹر

کیجریوال نے بی جے پی کے الزام کارڈ پر کبیر داس کے دوہے کا مصرعہ لکھ کر ٹویٹ کیا، ہماری تہذیب سبق دیتی ہے کہ نِندَک نِیَرے راکھیے، اس کے ساتھ انہوں نے لکھا کہ 'الزام کارڈ کو ہم پڑھیں گے، جو بھی اچھے مشورے ہیں انھیں آئندہ پانچ برسوں میں عملی جامہ پہنائیں گے۔

انہوں نے مزید کہا کہ 'ہم چاہتے ہیں کہ ہر کوئی ہمارے کام کا گہرائی سے جائزہ لے، تنقید کرے اور ہماری خامیاں نکالے نیز مشورے دے تاکہ ہم مزید اچھا کام کر سکیں'۔