Delhi Liquor Policy Case کے کویتا کی ای ڈی کے دفتر میں حاضری

بی آر ایس کی رکن قانون ساز کونسل تلنگانہ کے وزیر اعلی کے چندر شیکھر راؤ کی بیٹی کے کویتا آج دہلی شراب پالیسی معاملے میں انفورسمنٹ ڈائریکٹوریٹ کے دفتر میں حاضر ہوئیں ہیں۔ Kavitha to appear before ED

نئی دہلی: تلنگانہ کے وزیر اعلی کے چندر شیکھر راؤ کی بیٹی کے کویتا کو دہلی شراب پالیسی کیس کے سلسلے میں پوچھ گچھ کے لیے آج انفورسمنٹ ڈائریکٹوریٹ کے دفتر میں حاضر ہوئیں ہیں۔ پارٹی کارکنان اور حامی قومی دارالحکومت میں کے سی آر کی رہائش گاہ کے باہر جمع ہیں۔ اس سے پہلے جمعہ کو کے کویتا نے قومی دارالحکومت کے جنتر منتر پر پارلیمنٹ کے موجودہ بجٹ سیشن میں خواتین کے ریزرویشن بل کو متعارف کرانے کا مطالبہ کرتے ہوئے بھوک ہڑتال کی۔ بھوک ہڑتال کا حوالہ دیتے ہوئے انہوں نے ای ڈی پر زور دیا تھا کہ وہ اپنی پوچھ گچھ کو ہفتہ تک ملتوی کردے۔

اہم بات یہ ہے کہ اسی معاملے میں دہلی کے سابق نائب وزیر اعلی منیش سسودیا کو ای ڈی نے گرفتار کیا ہے۔ ای ڈی کی جانب سے پوچھ گچھ کے لیے سمن جاری کیے جانے کے چند گھنٹے بعد کویتا 8 مارچ کو دہلی پہنچی۔ کویتا کے بھائی اور بی آر ایس لیڈر کے ٹی راما راؤ بھی جمعہ کو دہلی پہنچ گئے۔ وہ کویتا کے ساتھ اپنے والد کی رہائش گاہ پر بھی ٹھہرے۔

ذرائع کے مطابق کے کویتا سے حیدرآباد کے تاجر ارون رام چندر پِلئی کے ساتھ بٹھا کر آمنے سامنے پوچھ گچھ کی جائے گی۔ ارون رام چندر پلئی کو اس ہفتے پیر کی رات شراب پالیسی کیس میں گرفتار کیا گیا تھا۔ کویتا نے ای ڈی کے سمن کو تلنگانہ کے سی ایم کے سی آر اور بی آر ایس کے خلاف بی جے پی کی حکمت عملی قرار دیا۔ انہوں نے کہا کہ بی آر ایس بی جے پی کی ان حرکات سے خوفزدہ نہیں ہوگی۔ انہوں نے کہا کہ ان کی پارٹی بی جے پی کی غلط پالیسیوں کی مخالفت جاری رکھے گی۔ اسے عوام کے سامنے بے نقاب کریں گے۔ انہوں نے کہا کہ بی آر ایس بھارت کے بہتر مستقبل کے لیے کام کرتی رہے گی۔