آج تمام طلبا تنظیموں نے متحد ہو کر پورے کیمپس میں مارچ نکالا۔
مارچ نکال کر ہاسٹل مینوئل فیس میں اضافے کو واپس لینے کا مطالبہ کیا۔ اس میں سبھی طلبا تنظیمیں شامل ہوئیں۔
اے بی وی پی، ایس ایف آئی اور بایاں محاذ نے متحد ہو کر جے این یو ہاسٹل مینوئل کے خلاف ایک ساتھ نظر آئے۔
اس احتجاجی مظاہرے میں ہزاروں کی تعداد میں طلبا شامل ہوئے۔
بی اے کے طالب علم امن نے ای ٹی وی بھارت کو بتایا کہ 'یونیورسٹی کے ذریعے ہاسٹل فیس اور میس فیس میں اضافہ کیا گیا ہے جس سے طلبا کو مشکلات کا سامنا کرنا پڑ سکتا ہے۔'
وہیں اس احتجاج میں اے بی وی پی کے کارکن اور جے این یو کے طالب علم کرشنا راؤ کا کہنا تھا کہ 'طلبا اپنی بنیادی سہولیات کے لیے کیمپس میں لڑ رہے ہیں اور انتطامیہ کے ذریعے اسے محروم رکھنے کی کوشش کی جارہی ہے۔'
