جھارکھنڈ کے وزیراعلیٰ ہیمنت سورین نے آٹھویں جماعت میں زیرتعلیم طالبہ کی ستائش کی جس نے 48 ہزار روپئے خرچ کر کے تین مزدوروں کو ان کے آبائی مقام روانہ کیا جبکہ ان میں ایک کینسر کا مریض بھی ہے۔
نوئیڈا کی 12 سالہ لڑکی نہاریکا دیویدی نے اپنی بچت کردہ رقم سے چھارکھنڈ کے تین مزدوروں کےلیے ایئرٹکٹ خریدا اور انہیں ان کے آبائی مقام کو پہنچایا، ان تین مزدوروں میں ایک مزدور کینسر کے عارضہ میں مبتلا ہے۔
وزیراعلیٰ کے آفس سے جاری ایک بیان میں نہاریکا دیویدی کی تعریف کی گئی اور دوسروں کےلیے فکرمند ہونے پر ہیمنت سورین نے لڑکی کا شکریہ ادا کیا۔
نہاریکا دیویدی نے کہا کہ ’سماج نے ہمیں بہت کچھ دیا ہے اور پریشان حالی میں اسے واپس کرنا ہماری ذمہ داری ہے‘۔
اطلاعات کے مطابق قبل ازیں لڑکی نے اپنے دوستوں سے مشکل حالت کا شکار مزدوروں کے بارے میں دریافت کیا تھا تاہم اس نے ایک کینسر کے مریض کے بشمول تین جھارکھنڈ کے مزدوروں کا پتہ لگایا جو بیحد پریشان تھے جبکہ لڑکی نے اپنے بچت کی قطیر رقم خرچ کرکے انہیں ان کے آبائی مقام روانہ کیا۔
