مرکزی وزیر تعلیم رمیش پوکھریال نشنک نے اعلان کیا ہے کہ کووڈ-19 کی صورتحال کے پیش نظر 27-30 اپریل سے منعقد ہونے والے انجینئرنگ انٹرنس امتحان جے ای ای مینس کو ملتوی کردیا گیا ہے۔
جے ای ای مینس امتحانات ملتوی
کورونا وائرس کے بڑھتے کیسز کے پیش نظر جے ای ای مینس امتحانات ملتوی کردیے گئے ہیں۔ نئی تاریخ کا اعلان امتحان سے کم از کم 15 دن پہلے کیا جائے گا۔
جے ای ای مینس امتحانات ملتوی
رمیش پوکھریال نے ٹوئٹ کرتے ہوئے لکھا کہ کورونا کے بڑھتے معاملات کی وجہ سے میں نے جے ای ای مین 2021 امتحانات کو ملتوی کرنے کا فیصلہ لیا ہے۔ طلبا کی حفاظت اور ان کا کرئیر ہماری اولین ترجیح ہے۔
اس سے متعلق نیشنل ٹیسٹنگ ایجنسی (این ٹی اے) نے کہا کہ جے ای ای مین 2021 کے امتحانات کو اپریل سیشن تک ملتوی کردیا گیا ہے۔ یہ امتحانات 27،28 اور 30 اپریل کو ہونے والے تھے۔ نئی تاریخوں کا اعلان امتحانات سے کم از کم 15 دن پہلے کیا جائے گا۔
Last Updated : Apr 18, 2021, 1:29 PM IST