چھگن لال کا پلاسٹک سے نجات کا روایتی طریقہ

ریاست مدھیہ پردیش کے اجین میں واقع ’کنگی محلہ‘ میں چھگن لال کا بھی مکان ہے اور یہ مکان ان لوگوں کےلیے اہمیت کا حامل ہے جو لکڑی کی کنگی کو پسند کرتے ہیں۔

قبل ازیں یہاں بہت سارے کاریگر ہوا کرتے ہیں لیکن آج صرف چھگن لال اپنی وراثت کو قائم رکھے ہوئے ہیں جبکہ انہوں نے آج بھی لکڑی سے خوبصورت کنگی بنانے کے اپنے ہنر کو جاری رکھے ہوئے ہیں۔

اپنی کمزور انگلیوں میں آرا پکڑے چھگن لال شیشم کی لکڑی سے کنگی بناتے ہیں اور ان کی بنائی ہوئی کنگی، پلاسٹک کی کنگی سے بہت بہتر ہے۔

بلاشبہ پلاسٹک کی کنگی ماحولیات اور بالوں کےلیے کافی نقصاندہ ثابت ہوتی ہے وہیں دوسری جانب لکڑی کی کنگی بالوں کےلیے کافی مفید ثابت ہوتی ہے اور اس سے بالوں کی کئی بیماریوں کو دور کیا جاسکتا ہے۔

چھگن لال نہ صرف شیشم کی لکڑی سے کنگی بناتے ہیں بلکہ وہ اس کنگی پر دلکش نقش و نگار بھی بناتے ہیں۔

انہوں نے دعویٰ کیا کہ پلاسٹک کی کنگی کے مقابلہ میں لکڑکی کی کنگی بے حد مفید ہے۔

چھگن لال کی بنائی ہوئی مختلف ڈیزائن کی کنگیوں کی قیمت 50 روپئے تا 150 روپئے ہے۔ چھگن لال نے کہا کہ ان کی کنگیاں ملک و بیروم ملک میں مشہور ہیں۔

ایسے وقت جبکہ ملک میں پرانی روایات دم توڑتی جارہی ہے ایسے میں چھگن لال اپنی وراثت کو بچائے ہوئے ہیں جو قابل تعریف ہے۔

چھگن لال کو کانگریس صدر سونیا گاندھی اور مدھیہ پردیش کے وزیراعلیٰ کمل ناتھ کے ہاتھوں اعزاز سے نوازا گیا ہے۔

چھگن لال نے عوام سے اپیل کی ہے کہ وہ لکڑی کی کنگی کا استعمال کریں اور پلاسٹک سے نجات پائیں۔