آج جامعہ کے طلبا نے پریس کلب آف انڈیا میں ایک پریس کانفرنس کے دوران پولیس بربریت کی روداد سنائی۔
طلبا کے مطابق یونیورسٹی کے طلبا پرامن احتجاج کر رہے تھے جبکہ ان کا پرتشدد واقعات سے کوئی لینا دینا نہیں ہے۔
انہوں نے بتایا کہ پولیس نے غیرضروری طاقت کا استعمال کرتے ہوئے طلبا اور طالبات کو زدوکوب کیا۔ نہوں نے پولیس کی جانب سے مذہب کی بنیاد پر طلبا کے ساتھ گالی گلوج کرنے کا بھی الزام لگایا۔
جامعہ کی ایک طالبہ نے بتایا کہ پولیس نے لڑکیوں کے ہاسٹل میں داخل ہوکر ان کے ساتھ غیرانسانی حرکت کا ارتکاب کیا ہے۔ انہوں نے پولیس پر لڑکیوں کے واش روم میں تک داخل ہوکر طالبات کو مارپیٹ کرنے اور نازیبا حرکت کرنے کا بھی الزام عائد کیا۔