سینٹر فار ویسٹ ایشین اسٹڈیز جامعہ ملیہ اسلامیہ کی دو پی ایچ ڈی اسکالرز شیبہ ناز اور یسریٰ زینب نےاسلامک اکنامکس اینڈ فائنانس (آئی سی آئی ای ایف) کے زیر اہتمام 12 ویں بین الاقوامی کانفرنس جو 14 جون سے 20 جون 2020 تک ترکی کے شہر استنبول میں منعقد ہوئی وہاں اپنا مقالہ 'پائیدار ترقیاتی اہداف کے نقطہ نظر سے اسلامی مالیات کا تجزیہ' کے عنوان سے پیش کیا۔
اس کانفرنس کی میزبانی استنبول سباحتین زم یونیورسٹی (ہلالی کیمپس) نے کی۔
کانفرنس کا مقصد چوتھے صنعتی انقلاب اور اس سے نمٹنے میں اسلامی معاشیات اور مالیات کے کردار کے تناظر میں 'استحکام اور معاشی ترق' پر تبادلہ خیال کرنا تھا، کانفرنس میں تمام مقالے اور لیکچرز ویڈیو کانفرنسنگ کے ذریعے پیش کیے گئے۔
جامعہ کی ریسرچ اسکالرز کے مقالے میں ایس ڈی جی کے حصول میں اسلامی مالیاتی اداروں، بازار اور اسلامی مالیات کے دیگر کردار اور ممکنہ شراکت پر مبنی تھے، اس وقت دونوں عرب دنیا میں اسلامی مالیات کے عنوان پر کام کر رہے ہیں۔
