جامعہ ملیہ اسلامیہ کے 100 برس مکمل

آج جامعہ ملیہ اسلامیہ کے قیام کو ایک صدی مکمل ہوگئی ہے، آج ہی کے دن اس ادارے کا قیام برطانوی حکومت کے تعلیمی نظام کے خلاف ایک بغاوت کے طور پر کیا گیا تھا۔ اپنے اس کردار کو بخوبی انجام دینے کے بعد یہ یونیورسٹی زینہ بہ زینہ چڑھتے ہوئے ملک کی سرفہرست یونیورسٹیز میں شمار کی جانے لگی۔

اسی ضمن میں شیخ الجامعہ کی صدارت میں آج جامعہ کیمپس میں ایک چھوٹی سی مگر پرشکوہ تقریب منعقد کی گئی۔ جس میں این سی سی کیڈٹز کے ذریعے انہیں گارڈ آف آنر پیش کیا گیا۔ اس موقع پر جامعہ ہمدرد کے چانسلر نے مہمان خصوصی کے طور پر شرکت کی۔

اگست 1920 میں بابائے قوم مہاتما گاندھی نے بھارتیوں سے برطانوی تعلیمی نظام اور ان کے ادارے کا بائیکاٹ کرنے کا مطالبہ کرتے ہوئے عدم تعاون کی تحریک کا اعلان کیا تھا، جس میں محمد علی جوہر کے کہنے پر علی گڑھ مسلم یونیورسٹی کے اساتذہ اور طلبہ نے 19 اکتوبر 1920کو جامعہ ملیہ اسلامیہ کی بنیاد رکھی۔

جامعہ ملیہ اسلامیہ

آزادی کے بعد جامعہ نے جدید تعلیم پر خصوصی توجہ دینا شروع کی، جس کے بعد جامعہ نے کبھی پیچھے مڑ کر نہیں دیکھا۔

این سی سی کیڈٹ

اس یونیورسٹی کے ذریعے کمزور طبقات خاص کر مسلمانوں کی تعلیمی پسماندگی دور کرنے میں اہم کردار رہا ہے۔ اسی لیے اس یونیورسٹی پر فرقہ پرست اور متعصبانہ عناصر کی میلی نظر ہمیشہ لگی رہتی ہے۔