نئی دہلی:یہ گریڈ مختلف معیاری پیرامیٹرز کی بنیاد پر ہی کسی ادارے کو دیا جاتا ہے۔اس میں ریسرچ و تحقیق، اختراع، بنیادی ڈھانچہ، سیکھنے کے وسائل، گورننس اور دیگر تشخیصی امور شامل ہیں۔ NAAC کی اس اعلیٰ سطحی ٹیم نے وائس چانسلر، رجسٹرار، فائنانس آفیسر، امتحانات کے کنٹرولر، ڈینز، ڈائریکٹرز، ہیڈ آف ڈیپارٹمنٹس، فیکلٹی ممبران، غیر تدریسی عملہ، طلباء، والدین، سابق طلباء اور دیگر متعلقین سے بات چیت کی۔
جامعہ ہمدرد کے لیے یہ NAAC کی طرف سے تشخیص اور منظوری کا چوتھا موقع تھا۔ جامعہ ہمدرد نے 3.41 کے CGPA کے ساتھ یہ امتیاز حاصل کیا جو 2017 میں دیے گئے ایکریڈیشن کے تیسرے سائیکل کے CGPA کے 3.15 اسکور سے نمایاں طور پر بہتر ہے۔
حماد احمد، چانسلر اور پروفیسر ڈاکٹر محمد افشار عالم، وائس چانسلر، جامعہ ہمدرد نے تمام اسٹیک ہولڈرز بشمول رجسٹرار، ڈاکٹر ایم اے سکندر، فنانس آفیسر، ہرپال سنگھ؛ امتحانات کے کنٹرولر ایس ایس اختر؛ ڈائریکٹر، IQAC اور ریسرچ اینڈ ڈویلپمنٹ سیل، پروفیسر ڈاکٹر ایس رئیس الدین اور ان کی ٹیم، ڈینز، ہیڈ آف ڈیپارٹمنٹس، پرنسپل، ڈائریکٹرز، تمام فیکلٹی ممبران، غیر تدریسی اسٹاف ممبران، طلباء، والدین اور جامعہ ہمدرد کے سابق طلباء کو اس بڑی کامیابی پر مبارکباد دی۔
یہ بھی پڑھیں:Workshop on Research and Academic Writing جامعہ میں 'ہندوستانی زبانوں میں تحقیق اور علمی تحریر' کے موضوع پر ورکشاپ
وائس چانسلر نے جامعہ ہمدرد کے تمام ممبران کا گریڈ کو شاندار سطح تک بہتر بنانے کی کوششوں اور عزم پر شکریہ ادا کیا اور کہا کہ یہ تدریسی اور تحقیقی معیار کو بہتر بنانے کی سمت میں اعلیٰ ٹیم ورک کا نتیجہ ہے۔ انہوں نے یہ بھی بتایا کہ جامعہ ہمدرد ان چند ہندوستانی یونیورسٹیوں میں سے ایک ہے جنہیں چوتھے دور کے لیے تسلیم کیا گیا ہے۔
