Jahangirpuri Violence: جہانگیر پوری تشدد کیس کی سماعت آج

دہلی کے جہانگیر پوری علاقے میں ہنومان جینتی کے موقع پر تشدد ہوا تھا، اسی معاملے میں روہنی عدالت آج معاملے کی سماعت کرے گی۔ دہلی پولیس کی چارج شیٹ میں 37 لوگوں کو ملزم بنایا گیا ہے جن میں سے دو نابالغ ہیں۔ Jahangirpuri Violence case hearing today

دہلی:دہلی کی روہنی عدالت آج جہانگیر پوری علاقے میں ہنومان جینتی کے موقع پر ہوئے تشدد کیس کی سماعت کرے گی۔ چیف میٹروپولیٹن مجسٹریٹ دیپیکا سنگھ سماعت کریں گی۔ 16 اپریل کو جہانگیر پوری میں ایک مذہبی جلوس کے دوران تشدد ہوا تھا۔ 28 جولائی کو عدالت نے دہلی پولیس کی کرائم برانچ کی طرف سے دائر چارج شیٹ کا نوٹس لیا تھا۔ hearing of Jahangirpuri Violence case

چیف میٹروپولیٹن مجسٹریٹ دیپیکا سنگھ نے تمام ملزمان کو پیش ہونے کے لیے سمن جاری کیا تھا۔ دہلی پولیس کی کرائم برانچ نے 14 جولائی کو چارج شیٹ داخل کی تھی۔ دہلی پولیس کی چارج شیٹ میں 37 لوگوں کو ملزم بنایا گیا ہے۔ ان میں سے دو نابالغ ہیں۔ دہلی پولیس نے محمد انصار اور تبریز انصاری کو اہم سازش کاروں کے طور پر نامزد کیا ہے۔ Two minors in Jahangirpuri violence case

دہلی پولیس نے ملزمان کے خلاف دفعہ 120B، 34، 186، 333، 332، 323،436، 147، 148، 149 اور 427 کے علاوہ آرمس ایکٹ کی مختلف دفعات کے تحت الزامات لگائے ہیں۔ واضح رہے کہ مئی میں آٹھ ملزمان کی درخواست ضمانت پر سماعت کرتے ہوئے عدالت نے جہانگیر پوری میں غیر قانونی جلوس کو نہ روکنے پر دہلی پولیس کو فٹکار لگائی تھی۔ ایڈیشنل سیشن جج گگندیپ سنگھ نے کہا کہ پہلی نظر میں یہ دہلی پولیس کی ناکامی کو ظاہر کرتا ہے۔ عدالت نے دہلی پولیس کمشنر سے بھی تحقیقات کرنے کو کہا تھا۔