ٹریکٹر ریلی پر روک لگانے سے سپریم کورٹ کا انکار

یوم جمہوریہ کے موقع پر قومی دارالحکومت دہلی میں کسانوں کی جانب سے ٹریکٹر ریلی کے انعقاد کے خلاف دائر عرضی پر سپریم کورٹ میں سماعت ہوئی جس میں کورٹ نے کسانوں کی ریلی پر کسی بھی طرح کا روک لگانے سے انکار کر دیا۔

زرعی قوانین کے خلاف احتجاج کر رہے کسانوں نے یوم جمہوریہ پر دہلی کی رِنگ روڈ پر ٹریکٹر ریلی کے انعقاد کا اعلان کیا ہے تاہم حکومت نے کورٹ میں عرضی داخل کر کے اس ریلی پر روک لگانے کا مطالبہ کیا لیکن کورٹ نے صاف انکار کرتے ہوئے یہ معاملہ دہلی پولیس کے حوالے کر دیا۔

بشکریہ ٹویٹر

سپریم کورٹ میں دائر درخواست میں کہا گیا ہے کہ ٹریکٹر ریلی سے دہلی کا امن و امان خطرے میں پڑ سکتا ہے۔

چیف جسٹس آف انڈیا نے کہا کہ 'وہ پہلے ہی کہہ چکے ہیں دہلی پولیس کو یہ اختیار حاصل ہے کہ وہ طئے کرے کہ دہلی میں کسے داخلے کی اجازت دی جانی چاہیے۔