کرنال میں کسانوں پر لاٹھی چارج شرمناک: راہل

'ہریانہ کے کرنال میں حکومت کی جانب سے سنیچر کو کسانوں پر لاٹھی چارج کیا گیا، جس پر راہل گاندھی نے ٹویٹ کرتے ہوئے کہا کہ ’’پھر خون بہایا ہے کسان کا، شرم سے سر جھکا ہے بھارت کا۔ کسان مخالف بی جے پی۔‘‘

کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی واڈرا نےبھارتیہ جنتا پارٹی (بی جے پی) کو کسان مخالف قرار دیتے ہوئے کہا کہ 'ہریانہ کے کرنال میں کسانوں پر لاٹھی چارج شرمناک ہے اور بی جے پی حکومت کی یہ کارروائی اس کے تابوت میں آخری کیل ثابت ہوگی۔

کرنال میں کسانوں پر لاٹھی چارج شرمناک: راہل

راہل گاندھی نے ٹوئٹ کیا ’’پھر خون بہایا ہے کسان کا، شرم سے سر جھکا ہے ہندوستان کا۔ کسان مخالف بی جے پی۔‘‘

اس سے قبل پرینکا گاندھی نے کہا، “کسان محنت کرکے کھیتوں میں لہلہاتی ہوئی فصل دیتے ہیں۔ بی جے پی حکومت اپنا حق مانگنے پر انہیں لاٹھی سے لہولہان کرتی ہے۔ کسانوں پر پڑی ایک ایک لاٹھی بی جے پی بی جے پی حکومت کے تابوت میں کیل ٹھوکنے کا کام کرے گی۔

مزید پڑھیں:

وہیں کانگریس محکمہ مواصلات کے سربراہ رندیپ سنگھ سرجے والا نے بھی اس لاٹھی چارج پر ہریانہ حکومت پر حملہ کرتے ہوئے کہا ’’کھٹر صاحب، آج کرنال میں ہر ہریانوی کی روح پر لاٹھی برسائی ہے۔ زمین کے خدا کسان کو لہولہان کرنے والی گناہ گار بی جے پی کا جبر راکشسوں کے جیسا ہے۔ سڑکوں پر کسانوں کے جسم سے رستے خون کو آنے والی تمام نسلیں یاد رکھیں گی۔ التجا نہیں، اب جنگ ہوگی، زندگی ہوگی یا موت۔