یہ مکمل ناکامی نہیں: ناسا

نیشنل ایروناٹک خلائی آرگنائیزیشن کے اسپیس فلائٹ کے منیجنگ ڈائرکٹر نے کہا کہ 'چندریان 2 کا رابطہ منقطع ہوجانا مکمل ناکامی نہیں ہے'۔

چاند کی سطح سے چند کیلو میٹر کی دوری پر ہی چندریان2کے لینڈر کرم سے رابطہ کے منقطع ہونے کے بعد اس مسئلہ پر ردعمل کا اظہار کرتے ہوئے نیشنل ایروناٹک خلائی آرگنائیزیشن (ناسا) اسپیس فلائٹ کے منیجنگ ڈائرکٹر کرس جی نے کہا کہ 'یہ بھارت اور انڈین اسپیس ریسرچ آرگنائزیشن (اسرو) کی مکمل ناکامی نہیں ہے'۔

انہوں نے کہا کہ آربیٹر وہاں ہے جہاں 95 فیصد تجربات ہوتے ہیں۔ اگر وکرم، اترنے میں ناکام رہا تو آربیٹر کو یاد رکھیئے جہاں 95 فیصد تجربات کیے جاتے ہیں۔

آربیٹر، چاند کے مدار میں محفوظ ہے اور اس کے مشن کے لیے کام کررہا ہے، اس لیے یہ مکمل ناکامی نہیں کہی جاسکتی۔

واضح رہے کہ اسرو چندریان2 کو چاند پر بھیجا تھا جس سے رابطہ ٹوٹنے کے بعد اسرو کے سربراہ نے اس کی تصدیق کی اور بتایا کہ منصوبہ بند طریقے لینڈر چاند کی سطح سے 2.1 کلو قبل تھا اسی دوران رابطہ ختم ہوگیا۔

وکرم لینڈر کا رابطہ ٹوٹنے کے بعد اسرو سربراہ کے سیون نے کہا کے 'وکرم لینڈر کی لینڈنگ منصوبہ بندی کے مطابق تھی، لیکن چاند کی سطح سے 2.1 کلومیٹر کے قریب 'وکرم لینڈر' سے رابطہ ختم ہو گیا فی الحال ڈیٹا کا تجزیہ کیا جارہا ہے'۔

اسرو کے سابق سربراہ دیوی پرساد کارنک نے کہا کہ ڈیٹا کا تجزیہ کیا جارہا ہے وکرم لینڈر تباہ ہوا ہے یا نہیں ابھی یہ کہنا قبل از وقت ہوگا۔

ہمارے پاس ابھی تک تفصیلات نہیں ہیں، اس میں وقت لگتا ہے، لیکن ہمیں یقین نہیں ہے کہ وکرم لینڈر ناکام ہوا ہے۔

وزیر اعظم نریندر مودی نے چندریان2 کی لینڈنگ دیکھنے آئے طلبا سے ملاقات کی اور ان کے سوالوں کے جواب دیا۔

واضح رہے کہ کوئز مقابلے کے ذریعے منتخب ہوکر چندریان2 کی لینڈنگ دیکھنے ملک بھر سے تقریباً 60 طلبا آئے تھے۔

صدر رام ناتھ کووند نے اپنے ٹویٹ پیغام میں کہا کہ 'اسرو کی پوری ٹیم نے چندرائن 2 کے مشن پر مثالی عزم اور ہمت کا مظاہرہ کیا، ملک کو اسرو پر فخر ہے، ہم سب کو بہتری کی امید ہے'۔

کانگریس کے سابق صدر راہل گاندھی نے چندریان2 مشن پر اپنے ٹوحٹ پیغام میں کہا کہ 'چندرائن2 کے مشن پر ان کے ناقابل یقین کام کے لیے اسرو کی پوری ٹیم قابل مبارکباد ہے، آپ کا جنون اور لگن ہر بھارتی ناقابل فراموش ہے۔