International Day of Persons with Disabilities: 'باوقار زندگی کے لیے معذور افراد کو مساوی مواقع فراہم کریں'

معذور افراد کے عالمی دن International Day of Persons with Disabilities کے موقع پر ایم وینکیا نائیڈو نے کہا کہ 'معاشرے میں معذور افراد کے لیے مساوی مواقعوں کو یقینی بنایا جانا چاہیے تاکہ وہ پروقار زندگی گزار سکیں'۔

نئی دہلی: نائب صدرجمہوریہ ایم وینکیا نائیڈو نے جمعہ کو ایک بیان میں کہا کہ معاشرے میں معذور افراد کے لیے مساوی مواقعوں کو یقینی بنایا جانا چاہیے تاکہ وہ پروقار زندگی گزار سکیں۔

معذور افراد کے عالمی دن کے موقع International Day of Persons with Disabilities – 3 December پر یہاں جاری ایک پیغام میں نائیڈو نے کہا کہ 'معذور افراد کی ہمت اور جوش و جذبے کا احترام کیا جانا چاہیے۔

نائیڈو نے کہا ’’معذور افراد کے عالمی دن کے موقع پر، میں اپنے معذور بھائیوں اور بہنوں کے روشن مستقبل کی خواہش کرتا ہوں۔ آئیے ہم ان کی بے مثال قوت اور صلاحیتوں کا احترام کریں اور معاشرے کے ہر شعبے میں ان کے رول کا احترام کریں۔