ایک تقریب میں سندھو اور ان کے کوچ پارک تائے سانگ کا شکریہ اداکرنے کے لیے ٹھاکر کے ساتھ مرکزی وزیر نرملا سیتارمن، قانون اور انصاف کے مرکزی وزیر کرن رجیجو، مرکزی شمال مشرق علاقے کی ترقی، ثقافت اور سیاحت کے وزیر جی کشن ریڈی اور نوجوانوں کے پروگرام اور کھیل کے وزیر مملکت مسٹر نیسِتھ پرمانک اور وزارت کھیل کے سینیئر افسران بھی شریک ہوئے۔
سندھو کے والدین پی وجیا اور پی وی رمنا پروگرام میں حصہ لینے کے لیے حیدرآباد سے نئی دہلی پہنچے تھے۔ اس پروگرام میں رکن پارلیمنٹ شیام باپو راؤ، بندی سنجے کمار، اروند دھرمپوری اور ٹی جی وینکٹیش بھی موجود تھے۔
یہ بھی پڑھیں: پی وی سندھو کی بھارت واپسی، ایئرپورٹ پر والہانہ استقبال
ٹھاکر نے اس موقع پر کہا ، ’پی وی سندھو ہندوستان کے عظیم اولمپک کھلاڑیوں میں سے ایک ہیں۔ وہ ہندوستان کی علامت اورباعث ترغیب ہیں اور انہوں نے ملک کے لیے کھیلنے کا خواب دیکھنے والے ہر ہندوستانی کے تصور میں اپنی جگہ بنا لی ہے۔ اس کی ناقابل یقین حصولیابی- مسلسل دو اولمپک کھیلوں میں دو اولمپک تمغے جیتنا ، ابھرتے ہوئے کھلاڑیوں کی نسل کو متاثر کرے گا۔ ان کی کامیابی ظاہر کرتی ہے کہ کس طرح حکومت کے ٹارگٹ اولمپک پوڈیم پلان نے ہمارے اولمپک ممکنہ کھلاڑیوں کو پوڈیم تکمیل تک پہنچایا ہے۔ ٹوکیو اولمپکس کے لیے روانہ ہونے سے پہلے ، انہوں نے وزیر اعظم نریندر مودی سے بات چیت کی اور سب سے پہلے انھیں فون کرنے اور مبارکباد دینے والے پہلے شخص تھے۔ 130 کروڑ ہندوستانیوں کا ملک ان کی شاندار کارکردگی سے بہت خوش ہے‘۔
یو این آئی
