نئی دہلی: وزیر اعظم نریندر مودی نے بدھ کو کہا کہ اگلے 20 سالوں میں بھارت کی توانائی کی ضروریات تقریباً دوگنی ہونے کی امید India's Energy Requirements Expected to Double in Next 20 years ہے، ایسے میں ترقی یافتہ ممالک کے لیے ضروری ہوجاتا ہے کہ وہ اپنے وعدوں کو پورا کریں اور تکنیکوں اور آئیڈیاز کا تبادلہ جاری رکھیں۔
ٹیری کے عالمی پائیدار ترقی چوٹی کانفرنس میں اپنے افتتاحی خطاب میں مودی نے کہاکہ آب و ہوا کے لیے کام کرنے کے لیے خطیر رقم کی ضرورت ہے۔ ایسے میں ترقی یافتہ ممالک کے لیے ضروری ہے کہ وہ اس سمت میں اپنے وعدوں کو پورا کریں اور ٹیکنالوجیز اور خیالات کا تبادلہ جاری رکھیں۔
وزیر اعظم نے کہا کہ وہ اس بات پر پختہ یقین رکھتے ہیں کہ ماحول میں پائیداری صرف آب و ہوا کے ساتھ انصاف کر کے حاصل کی جا سکتی ہے۔ تاہم اس کے لیے ترقی یافتہ ممالک کو ساتھ آنے کی ضرورت ہے۔ ہندوستان نے یہ بھی تسلیم کیا ہے کہ ایک دوسرے پر انحصار کرکے ہی وہ اس سمت میں آگے بڑھ سکتا ہے۔