اردو

urdu

ETV Bharat / state

بھارتی ویکسین میں خنزیر کی چربی نہیں: آئی ایم اے - انڈین میڈیکل ایسوسی ایشن

انڈین میڈیکل ایسوسی ایشن کے صدر ڈاکٹر جے اے جیا لال نے پریس کانفرنس کے دوران بتایا کہ بھارت میں بنی ویکسین میں خنزیر کی چربی کا استعمال نہیں ہوا ہے۔

بھارتی ویکسین میں خنزیر کی چربی نہیں
بھارتی ویکسین میں خنزیر کی چربی نہیں

By

Published : Jan 8, 2021, 7:55 PM IST


گزشتہ کئی روز سے کورونا ویکسین کو لے کر مذہبی جماعتوں کی جانب سے مخالفت دیکھنے کو مل رہی تھی۔ اس کے پیچھے یہ وجہ بتائی جا رہی تھی کہ ویکسین میں خنزیر کی چربی کا استعمال کیا گیا ہے۔

'بھارتی ویکسین میں خنزیر کی چربی نہیں



تاہم آج انڈین میڈیکل ایسوسی ایشن کے صدر ڈاکٹر جے اے جیا لال نے پریس کانفرنس کے دوران بتایا کہ بھارت میں بنی ویکسین میں خنزیر کی چربی کا استعمال نہیں ہے۔ انہوں نے اس بات کو سرے سے خارج کردیا کہ اس میں کسی بھی طرح سے خنزیر کی چربی کا استعمال کیا گیا ہے۔

پریس کانفرنس کے دوران انڈین میڈیکل ایسوسی ایشن نے اپنے تمام ممبران سے اپیل کی کہ وہ ملک بھر میں کووڈ 19 ویکسینیشن مہم میں تعاون کریں۔اس دوران انہوں نے یہ بھی کہا کہ بھارتیہ ویکسین کورونا کی نئی قسم پر بھی کارگر ثابت ہوگی۔

قابل ذکر ہے کہ بھارت کے ریگولیٹر نے حال ہی میں سیرم انسٹی ٹیوٹ کے تیار کردہ آکسفورڈ کووڈ 19 ویکسین کو منظوری دے دی ہے۔ اس کے علاوہ بھارت بائیوٹیک نے کوویکسین تیار کی ہے جس سے بڑے پیمانے پر ٹیکہ لگانے کی مہم چلائی جارہی ہے۔

ABOUT THE AUTHOR

...view details