Legal help for AMU students علی گڑھ مسلم یونیورسٹی کے طلباء پر ایف آئی آر درج کرنا غیر قانونی

فلسطینی عوام کے ساتھ اظہار یکجہتی کے طور پر اور اسرائیل کی صہیونی حکومت کی جانب سے کیے جا رہے ظلم و ستم کے خلاف علی گڑھ مسلم یونیورسٹی کے طلباء نے احتجاجی مظاہرہ کیا تھا جس کے بعد ان طلبا پر اتر پردیش پولیس کی جانب سے ایف آئی آر درج کی گئی تھی۔ Indian Muslim for civil rights provide legal help for AMU students

دہلی: فلسطینی عوام کے ساتھ اظہار یکجہتی کے طور پر اور اسرائیل کی صہیونی حکومت کی جانب سے کیے جا رہے ظلم و ستم کے خلاف علی گڑھ مسلم یونیورسٹی کے طلباء نے احتجاجی مظاہرہ کیا تھا جس کے بعد ان طلبا پر اتر پردیش پولیس کی جانب سے ایف آئی آر درج کی گئی تھی اب ان طلباء کی مدد کے لیے انڈین مسلم فار سول رائٹس تنظیم کی جانب سے یہ اعلان کیا گیا ہے کہ وہ ان طلبا کو قانون مدد فراہم کریں گے۔اسی سے متعلق ای ٹی وی بھارت کے نمائندے نے سابق ممبر آف پارلیمنٹ اور آنڈین مسلم فار سول رائٹس تنظیم کے بانی محمد ادیب سے بات کی جس میں انہوں نے بتایا کہ ان کی تنظیم مکمل طور پر ان طلباء کے ساتھ ہے جن پر فلسطینی عوام کی حمایت میں احتجاجی مظاہرے کے دوران ایف آئی آر درج کی گئی ہے۔

محمد ادیب کا کہنا تھا کہ یہ نہایت ہی غیر قانونی کام ہے جو بھارت میں ہو رہا ہے ہمارا پورا حق ہے بھارت اور فلسطین کے تعلقات سینکڑوں سال سے ہیں جب سے فلسطین اپنے ملک کے لیے جنگ لڑھ رہے ہیں تب سے ہی بھارت ان کے ساتھ ہے۔ ان کا کہنا تھا کہ جب سے اسرائیل نے فلسطین کی زمین پر قبضہ کیا ہے تب سے ہی بھارت فلسطین کے لیے بھارتیہ مسلمان ان کی حمایت کرتے آرہے ہیں۔ ایسے میں احتجاج کرنا کسی بھی مظلوم کے لیے کب سے سزا کا باعث بننے لگا ہے یہ سمجھ سے باہر ہے۔

وہیں علی گڑھ مسلم یونیورسٹی دہلی کے صدر کا کہنا تھا کہ جمہوریت میں سبھی کو اپنی رائے رکھنے کا حق ہوتا ہے جمہوری طریقے سے اگر کوئی کسی کی حمایت یا مخالفت میں اپنی رائے رکھتے ہوئے احتجاجی مظاہرہ کرتا ہے تو ایسے میں ان کا آئینی حق ہے اور اس پر کسی بھی طرح کی کوئی قانونیکارروائی نہیں کی جا سکتی ہے تاہم اب جبکہ علی گڑھمسلم یونیورسٹی کے طلباء پر اس بنا پر ایف آئی آر درج کی گئی ہے تو ہم ان طلبا کے ساتھ ہیں اور ضرورت پڑی تو ہم ان کے ساتھ قانونیلڑائی لڑیں گے۔