ملک 26 نومبر کو کبھی بھول نہیں سکتا: وزیر اعظم مودی

مہاراشٹر کے دار الحکومت ممبئی میں 26 نومبر 2008 کی رات دہشت گردانہ حملہ کیا گیا تھا۔ اس حملے میں تقریباً 150 افراد ہلاک اور 300 کے قریب زخمی ہوئے تھے۔ PM Modi on Mumbai 26/11 attack

نئی دہلی: وزیر اعظم نریندر مودی نے آج کہا کہ ملک 26 نومبر کے دہشت گردانہ حملے کو کبھی نہیں بھول سکتا اور یہ ہندوستان کی صلاحیت ہے کہ حملے سے ابھرنے کے بعد وہ دہشت گردی کو ختم کرنے میں مصروف ہے۔ اتوار کو اپنے ماہانہ ریڈیو پروگرام ’من کی بات‘ میں اہل وطن سے خطاب کرتے ہوئے مسٹر مودی نے سب سے پہلے ممبئی دہشت گردانہ حملے کا ذکر کیا۔ انہوں نے ان فوجیوں کو خراج عقیدت پیش کیا جنہوں نے اس حملے سے لڑتے ہوئے ملک کے لیے اپنی جانیں قربان کیں اور کہا کہ آج پورا ملک انہیں یاد کر رہا ہے۔

وزیر اعظم نے پروگرام شروع کرتے ہی کہا کہ آج 26 نومبر ہے اور ہندوستان اسے کبھی نہیں بھول سکتا۔ انہوں نے کہا کہ آج 26 نومبر ہے اور ہم اس دن کو کبھی نہیں بھول سکتے۔ اس دن ملک میں سب سے گھناؤنا دہشت گردانہ حملہ ہوا تھا۔ دہشت گردوں نے ممبئی اور پورے ملک کو ہلا کر رکھ دیا تھا۔ لیکن یہ ہندوستان کی صلاحیت ہے کہ ہم اس حملے سے ابھرے اور اب پورے حوصلے کے ساتھ دہشت گردی کو کچل بھی رہے ہیں۔ میں ان تمام لوگوں کو خراج عقیدت پیش کرتا ہوں جنہوں نے ممبئی حملوں میں اپنی جانیں گنوائیں۔ آج ملک ہمارے ان بہادر جوانوں کو یاد کر رہا ہے جنہوں نے اس حملے میں اپنی جانیں قربان کیں۔

واضح رہے کہ پاکستانی سرحد سے سمندر کے راستے آنے والے دہشت گردوں نے 26 نومبر 2008 کی رات ممبئی میں دہشت گردانہ حملہ کیا تھا۔ اس حملے میں تقریباً 150 افراد ہلاک اور 300 کے قریب زخمی ہوئے تھے۔ ہندوستانی سیکورٹی فورسز نے نو دہشت گردوں کو ہلاک اور ایک دہشت گرد کو زندہ پکڑ ا تھا۔

یو این آئی