دہلی: نوجوان نے پلازما پورٹل بنایا

کورونا مریضوں میں پلازما تھراپی کی کامیابی کے بعد دہلی میں اس کی طلب میں اضافہ ہونا شروع ہوگیا ہے، پریشان حال لوگوں کو دیکھتے ہوئے میور وہار کے ایک نوجوان نے ایک پورٹل تیار کیا ہے۔ جس پر پلازما ڈونرز اور جن کو پلازما کی ضرورت ہے وہ براہ راست اپنا اندراج کراکر سہولت حاصل کرسکتے ہیں۔

دارالحکومت دہلی میں کورونا کے سنگین مریض میں پلازما تھراپی کا اب کافی اچھا ریسپانس مل رہا ہے۔اس کے پیش نظر پلازما ڈونرز کی طلب میں کافی اضافہ ہوگیا ہے۔ پلازما بینک کھولنے کے بعد بھی لوگ سوشل میڈیا پر اس سے پوچھتے دکھائی دیتے ہیں۔ تو وہیں جب میور وہار کے پانڈو نگر کے رہائشی پرشانت سینی کو ایک یا دو افراد کے لئے ایک ڈونر ملا تو اسے بھی چندہ کے لئے نامعلوم نمبروں سے کالز موصول ہوگئیں۔ جس کے بعد اس نے ایک نیڈ پلازما کے نام سے ایک پورٹل بنایا۔ جہاں لوگ آسانی سے پلازما عطیہ کرسکتے ہیں یا لے سکتے ہیں۔

اس سلسلے میں پرشانت کہتے ہیں کہ اتنی بیداری عام کرنے کے بعد بھی پلازما دینے والوں کی تعداد بہت کم ہے۔ غلط فہمیوں کی وجہ سے لوگ عطیہ کے لئے کم آ رہے ہیں۔ لیکن دوسری طرف اس کی طلب میں روزانہ اضافہ ہونے لگا ہے۔ اب عطیہ لینے کے لیے روزانہ آدھے درجن سے زائد کالز موصول ہو رہی ہیں، لیکن ڈونیشن دینے کے لیے لوگوں کو کافی سمجھانا پڑ رہا ہے۔

لہٰذا واٹس ایپ نمبر جاری کرنے کے علاوہ وہ ایک رضاکارانہ ٹیم بھی تشکیل دے رہے ہیں جو لوگوں کو عطیہ کے لئے تحریک دے رہی ہے۔