نئی دہلی: قومی دارالحکومت دہلی میں گزشتہ چند دنوں سے مسلسل بارش کے بعد درجہ حرارت میں کمی کے درمیان لوگوں کو بدھ کی صبح ہلکی سردی اور دھند دیکھنے کو ملی۔ محکمہ موسمیات کے مطابق آج بھی اتر پردیش، بہار، بنگال اور مہاراشٹر سمیت شمالی بھارت سے وسطی بھارت تک ہلکی سے درمیانی بارش کی پیش گوئی کی گئی ہے۔ minimum temperature down in Delhi
تاہم کل کئی دنوں کے بعد دہلی میں دوپہر کے وقت سورج نظر آیا۔ اس کے بعد مطلع ابر آلود ہوگیا اور رات میں کئی علاقوں میں بارش بھی ہوئی۔ بارشوں کے باعث عام لوگوں کو پانی جمع ہونے اور جام کی پریشانی کا سامنا کرنا پڑرہا ہے۔ محکمہ کے مطابق دہلی-قومی راجدھانی خطہ آج ابر آلود رہے گا اور کچھ حصوں میں ہلکی بارش کا امکان ہے۔