کوراش فیڈریشن آف انڈیا کے سرپرست دہلی سرکار کے سابق چیف سکریٹری پروین کمار ترپاٹھی اور کوراس فیڈریشن آف انڈیا کے صدر امیش تیاگی نے چراغ روشن کر کے افتتاح کیا۔
کوراش ایسوسی ایشن دہلی اور کوراش فیڈریشن آف انڈیا کے سیکریٹری لال سنگھ نے بتایا کہ ریاست دہلی کے 400 کے قریب کھلاڑی اس مقابلے میں حصہ لے رہے ہیں۔
کھیل کے پہلے دن لڑکیوں کے مقابلہ جات کا انعقاد کیا گیا- اس میں 25 کلوگرام کے زمرے میں تمنا نے پہلی ،کاویہ نے دوسری اور کاشیش نے تیسری پوزیشن حاصل کی۔
35 کلوگرام کیٹیگری وزن میں کنیشکا نے پہلی ،بھومی نے دوسری اور فلک اور ریا نے تیسری پوزیشن حاصل کی۔
40 کلوگرام کیٹیگری وزن میں پریانشی نے پہلی ،گریما دوسری انجلی اور پائل نے تیسری پوزیشن حاصل کی۔ اسی طرح پلس 44 کلوگرام کیٹیگری وزن میں پراچی نے پہلی ، صوفیہ نے دوسری اور ارپیتا نے تیسری پوزیشن حاصل کی۔
آرگنائزنگ کمیٹی کے ٹیکنیکل ڈائریکٹر چندر پال سینی اور رویندر دہیا نے دہلی اولمپک کھیلوں میں کوراش گیمز کو شامل کرنے پر دہلی اولمپک ایسوسی ایشن کے صدر کلدیپ واٹس کا شکریہ ادا کیا۔
