مغربی دہلی کے پولیس کمشنر دیپک پروہت نے بتایا کہ صح تین بجکر 56 بجے مادی پور جے جے کالونی میں جھگڑے کی پی سی آر پر اطلاع ملی۔
موقع پر پہنچے پولیس اہلکاروں کو پتہ چلا کہ رئیس الاعظم (34) کا اپنی بیوی گلشن (39) سے کسی بات پر جھگڑا ہوا جس کے بعد شوہر نے بیوی کے سرپر ڈنڈا مار دیا جس سے اس کی موقع پر موت ہوگئی۔
انہوں نے بتایا کہ رئیس کی یہ دوسری شادی تھی جو تین مہینہ پہلے ہی ہوئی تھی۔ پہلی شادی سے بھی اس کے بچے ہیں جو بہار کے موتیہاری میں رہتے ہیں۔
بچوں کے مستقبل سے متعلق جھگڑا ہوا تھا جس میں رئیس نے بیوی کو قتل کردیا۔ رئیس جہانگیر پوری میں ریہڑی پر جوتے چپل فروخت کرتا ہے۔
پولیس کمشنر نے کہا کہ چونکہ اس علاقہ میں 13 اپریل کو کورونا کے دو متاثرہ مریض پائے جانے کے بعد کنٹونمنٹ زون اعلان کیا گیا تھا اس لئے کووڈ-19 کی رہنما ہدایات کے تحت رئیس کو حراست میں لیا گیا ہے۔ اس سلسلہ میں علاقہ کے ایس ڈی ایم کو مطلع کردیا گیا ہے۔