نئی دہلی: لوک سبھا کے اسپیکر اوم برلا نے جمعرات کو کہا کہ سی اے جی دنیا کے سب سے موثر اور باوقار آڈٹ اداروں میں سے ایک ہے اور ریاستوں کے مالیاتی نظم و ضبط کو یقینی بنانے میں اس کا اہم رول ہے۔ آڈٹ ڈے اور آڈیٹرز کانفرنس کی اختتامی تقریب سے خطاب کرتے ہوئے اوم برلا نے کہا کہ ایوان اور پارلیمانی کمیٹیوں کے اندر سی اے جی کی رپورٹ پر بحث اور مثبت تجاویز ملک کی جمہوریت کو مضبوط کرتی ہیں۔ ساتھ ہی سی اے جی کی رپورٹ پر پارٹی لائن سے آگے بڑھ کر ایوان میں بحث کی جاتی ہے اور قوم کے مفاد میں فیصلے کیے جاتے ہیں۔
سی اے جی کے رول کا ذکر کرتے ہوئے،مسٹر برلا نے کہا کہ آئین نے اس ادارے کو ایک جامع اور فعال کردار عطا کیا ہے اور اس بات کو یقینی بنایا ہے کہ ان کی وفاداری صرف آئین اور قوم کے تئیں ہو۔ انہوں نے کہا کہ سی اے جی تمام فریقوں کو یقین دلاتا ہے کہ سرکاری فنڈز کا استعمال صرف اور صرف مطلوبہ مقصد کے لیے ہو رہا ہے۔ Om Birla on Important Role of CAG