آلودگی کم کرنے کے لیے ماحول دوست بیٹری تیار

دہلی میں آلودگی کی سطح میں اضافے کے مد نظر آئی آئی ٹی دہلی کے ریسرچرز ایک ایسی بیٹری پر کام کررہے ہیں جس سے آلودگی میں کمی واقع ہوگی اور بازار میں دستیاب دیگر بیٹریز کے مقابلے زیادہ دیر تک چلے گی۔

آئی آئی ٹی دہلی کے پروفیسر انل ورما کی قیادت میں پانچ افراد کی ٹیم وینیڈیم ریڈاکس فلو بیٹری (وی آر ایف بی) پروجیکٹ پر کام کررہی ہے۔

اس پروجیکٹ کے تحت ایک ایسی بیٹری بنائی جارہی ہے جس سے فضائی آلودگی میں کچھ حد تک کمی لائی جاسکے۔

اس تعلق سے پروفیسر انل ورما نے بتایا کہ وی آر ایف بی ایک ایسی بیٹری ہے جو ماحول دوست ہے اسی سے آلوگی کم ہوتی ہے اور یہ پوری طرح سے محفوظ ہے۔

آئی آئی ٹی دہلی کے 'دی سسٹین ایبل اینوارونرجی ریسرچ لیب' میں ایسی ہی ایک خاص بیٹری کا ڈیمو کیا گیا جو کم آلودگی کرے گی اور زیادہ دن تک چلے گی۔ اس کے علاوہ لوگوں کو یہ مناسب دام میں دستیاب ہوگی۔

پورفیسر انیل ورما نے بتایا کہ ' اس بیٹری کو ایک سال کے اندر اندر بازار میں مہینا کرنے کی کوشش کی جارہی ہے'۔

انھوں نے بتایا کہ بازار میں دستیاب بیٹری تقریباً 20 سال تک چلتی ہے ساتھ ہی اسے ری سائیکل کرنے سے کافی آلودگی ہوتی ہے، ایسے میں وی آر ایف بی ایک بہترین متبادل ہے۔ عام بیٹری کے مقابلے یہ زیادہ چلتی ہے اور اسے ری سائیکل کرنے سے بھی کوئی آلودگی نہیں ہوتی۔