'جے شری رام کے جواب میں اللہ اکبر کا نعرہ'

پارلیمنٹ میں آج جے شری رام کے نعرہ بازی کے دوران نعرہ تکبیر اللہ اکبر کی صدائیں بھی سنائی دیں۔

ریاست تلنگانہ کے دار الحکومت حیدرآباد کے رکن پارلیمنٹ اسد الدین اویسی کے حلف برداری کے دوران بی جے پی کے کئی اراکین پارلیمان نے جئے شری رام کے نعرے لگائے جس پر اپنے رد عمل کا اظہار کرتے ہوئے مغربی بنگال کے مرشد آباد سے رکن پارلیمنٹ ابو طاھر خان نے ایوان بالا میں اللہ اکبر کا نعرہ بلند کیا۔

ای ٹی وی بھارت سے بات کرتے ہوئے ابو طاہر خان نے بتایا کہ انہوں نے پارلیمنٹ میں اللہ اکبر کا نعرہ ردعمل کے طور پر لگایا۔

انہوں نے مزید کہا کہ میں کوئی مذہبی نعرہ نہیں لگانا نہیں چاہتا تھا، مگر جب جے شری رام کے نعرے لگائے گئے تو مجھے لگا کہ میں اپنے اللہ کا نعرہ کیوں نہ بلند کروں؟