''ایک ملک ایک زبان' کا فلسفہ 'تھوپنے' جیسا ہے''

آج یعنی 14 ستمبر کو پورے ملک میں یوم ہندی منایا جاتا ہے۔ اس موقع پر وزیر داخلہ امت شاہ نے ہندی کو زیادہ سے زیادہ استعمال کرنے کی وکالت کی جس کے بعد ان کے اس بیان پر چاروں طرف سے شدید نکتہ چینی کی جانے لگی ہے۔

مرکزی وزیر داخلہ امت شاہ نے 'یوم ہندی' کے موقع پر قوم کو مبارکباد پیش کی اور شہریوں سے کہا کہ وہ مہاتما گاندھی اور سردار ولبھ بھائی پٹیل کے خوابوں کو تعبیر کرنے کے لئے اپنے روزمرہ کے کاموں میں ہندی زبان کے استعمال میں اضافہ کریں۔

امت شاہ نے آج ہندی دیوس کے موقع پر ٹویٹ کرکے کہا ہے کہ ایک ملک ایک زبان ہونی چاہیے اور ہندی زبان چونکہ ملک کی سب سے بڑی زبان ہے اس لیے سب کو اس زبان کی لازمیت سمجھنی چاہیے۔

شاہ نے ہندی میں ٹویڑ کر کے کہا کہ 'بھارت مختلف زبانوں کا ملک ہے اور ہر زبان کی ایک اپنی اہمیت ہے، لیکن پورے ملک کی ایک زبان ہونا ضروری ہے، جو دنیا میں بھارت کی پہچان بنے۔ اگر ایک زبان ملک کو اتحاد کے دروازے سے باندھنے کا کام کر سکتی ہے تو وہ سب سے زیادہ بولنے والی زبان ہندی زبان ہے۔'

انہوں نے مزید کہا کہ 'آج یوم ہندی کے موقع پر میں ملک کے تمام شہریوں سے اپیل کرتا ہوں کہ وہ اپنی مادری زبان کے استعمال میں اضافہ کریں۔

اور ساتھ ہی آئرن مین سردار پٹیل کے ملک کی ایک زبان کے خواب کی تعبیر میں تعاون کریں۔

وہیں کانگریس رہنما پرمد تیواری نےکہا کہ ہندی ملک کی قومی زبان ہے ہماری ماں کی طرح ہے،اور ماں کا جو درجہ ہے اس کو کوئی دوسرا نہیں لے سکتا ہے۔

انہوں نے مذید کہا کہ ملک کے جتنے بھی زبان ہے وہ پھولے پھلے اور ادب سے بولی جائے، اور اسے ہم حاصل کریں۔