Sitharaman Slams Rahul Gandhi سیتا رمن کی راہل گاندھی کے چین سے متعلق بیان پر نکتہ چینی

بی جے پی کی پریس کانفرنس میں شرکت کے لیے ممبئی پہنچی مرکزی وزیر خزانہ نرملا سیتا رمن نے راہل گاندھی کو تنقید کا نشانہ بنایا۔ چین سے متعلق بھارتی حکومت کی پالیسیوں پر تنقید کے حوالے سے انہوں نے کہا کہ راہل گاندھی کو شرم آنی چاہیے۔ Nirmala Sitharaman on rahul gandhi

ممبئی: مرکزی وزیر خزانہ نرملا سیتا رمن نے چین کے بارے میں بھارتی حکومت کی پالیسیوں پر تنقید کرنے پر کانگریس کے رہنما راہل گاندھی پر شدید نکتہ چینی کی۔ انہوں نے کہا کہ انہیں (راہل گاندھی) اپنے ریمارکس پر شرم آنی چاہئے۔ آپ کو بتا دیں کہ گزشتہ روز بی جے پی کی پریس کانفرنس میں شرکت کے لیے ممبئی پہنچی وزیر خزانہ نرملا سیتا رمن نے صحافیوں سے بات کرتے ہوئے راہل گاندھی پر طنز کیا۔

سیتا رمن نے کہا کہ راہل گاندھی کو چین کے معاملے پر بھارتی حکومت پر طنز کرتے ہوئے شرم آنی چاہیے۔ انہوں نے کہا کہ راہل گاندھی کو چینی سفیر کی طرف سے معلومات دی جاتی ہیں لیکن وہ ہمارے وزیر خارجہ ایس جے شنکر کی باتوں پر کان نہیں دھرتے۔ سیتا رمن کا یہ بیان وزیر خارجہ ایس جے شنکر کے ڈوکلام بحران کے دوران بھارت میں چینی سفیر کے ساتھ راہل گاندھی کی ملاقات پر ردعمل کے چند ہفتوں بعد آیا ہے۔ ہم آپ کو بتاتے ہیں کہ وزیر خارجہ ایس جے شنکر نے کانگریس رہنما کی مودی حکومت کے چین کے ساتھ تعلقات کو سنبھالنے پر تنقید کا جواب دیا۔ انہوں نے کہا کہ میں راہل گاندھی کو چین پر کلاس لینے کی پیشکش ضرور کرتا، لیکن معلوم ہوا کہ وہ چینی سفیر سے کلاس لے رہے ہیں۔

کانگریس پر نکتہ چینی کرتے ہوئے سیتا رمن نے کہا کہ جب بھی وزیر اعظم نریندر مودی اس معاملے پر پارلیمنٹ میں بولتے ہیں، کانگریس رہنما یا تو واک آؤٹ کر دیتے ہیں یا وزیر اعظم کی تقریر میں خلل ڈالنے کے لیے ہنگامہ برپا کر دیتے ہیں۔ سیتا رمن نے پی ایم مودی پر تنقید کرنے پر راہل گاندھی کو بھی تنقید کا نشانہ بنایا اور کہا کہ کوئی نہیں جانتا کہ انہوں نے چینی عوام کے ساتھ کیا معاہدہ کیا ہے۔

انہوں نے کہا کہ راہل گاندھی کو 56 انچ کا طعنہ دیتے ہوئے بھی شرم آنی چاہئے، خاص طور پر جب کوئی نہیں جانتا کہ انہوں نے چینی عوام کے ساتھ کیا سمجھوتا کیا ہے۔ انہوں نے کہا کہ نہ آپ کو اور نہ ہی ہم کو اور نہ ہی کسی کو معلوم ہے کہ اس معاہدے میں کیا تھا۔ انہوں نے کہا کہ میڈیا کو راہل گاندھی سے بھی پوچھنا چاہئے کہ وہ چینیوں کے ساتھ اپنے معاہدے کی تفصیلات کے ساتھ کیوں نہیں آتے۔