حیدر پور اسپیشل اسٹاف آفس کے پاس ہینڈ گرینیڈ برامد

شمال مغربی دہلی کے حیدپور نہر کے کنارے بچوں کو کھیلتے ہوئے ہینڈ گرینیڈ ملا۔ جسے پولیس نے برآمد کر این ایس جی کو جانچ کے لیے سونپ دیا ہے۔ حیدر پور اسپیشل اسٹاف آفس کے پاس میں ہینڈ گرینیڈ ملنے سے مقامی لوگوں میں خوف کا ماحول ہے۔

گزشتہ روز شمال مغربی دہلی کے حیدپور نہر کنارے بچوں کو کھیلتے ہوئے ہینڈ گرینیڈ برامد ہوا ہے۔ پولیس نے بچوں سے ہینڈ گرینیڈ برآمد کیا ہے۔ ہینڈ گرینیڈ کو پولیس نے این ایس جی کو جانچ کے لیے سونپ دیا ہے۔ پرانا جنگ لگا ہوا ہینڈ گرینیڈ کہاں سے آیا، اس کی جانچ جاری ہے۔

دہلی کے شالیمار باغ تھانہ ایریا کے حیدرپور نہر کے کنارے بچوں کو کھیلتے ہوئے ایک بم نما چیز ملی جو ایک ہینڈ گرینیڈ تھا۔ بچوں کو بھی شک ہوا کہ یہ بم ہو سکتا ہے۔ ایک بچے نے دوسرے بچے کو دیا، تو دوسرے نے تیسرے بچے کو دے دیا، اس کے بعد اس کی اطلاع پولیس کو بھی دی گئی۔

پولیس نے ہینڈ گرینیڈ قبضے میں لیکر اس کی جانچ شروع کر دی ہے کہ ہینڈ گرینیڈ کتنا پرانا ہے اور کہاں سے آیا؟

دہلی میں گزشتہ کئی روز سے جس طرح کا ماحول بنا ہوا ہے، لگاتار تشدد کی خبر کی وجہ سے لوگ پہلے سے ہی ڈرے ہوئے ہیں۔ ایسے میں ہینڈ گرینیڈ ملنے سے مقامی لوگ میں خوف ہے۔ اب یہ گرینیڈ یہاں کہاں سے آیا اور کس منصوبے سے کون لیکر آیا، یہ جانچ کا معاملہ ہے۔