جی ایس ٹی کی میٹنگ ملتوی

اشیا اور خدمات ٹیکس (جی ایس ٹی) کونسل کی جمعرات کوہونے والی 36ویں میٹنگ کل تک کے لیے ملتوی کردی گئی۔

ذرائع کے مطابق وزیر خزانہ نرملا سیتارمن کی صدارت میں ویڈیو کانفرنسنگ کے ذریعہ یہ میٹنگ دوپہر تین بجے ہونے والی تھی لیکن ان کے پارلیمنٹ میں مصروف ہونے کی وجہ سے یہ میٹنگ کل تک کے لیے ملتوی کردی گئی۔

اس میٹنگ میں الیکٹرونک گاڑیوں پر جی ایس ٹی کی شرح کم کرکے پانچ فیصد کرنے کو منظور کیا جانا تھا۔ اس کے ساتھ ہی لاٹری معاملہ پر فیصلہ کئے جانے کی امید تھی۔