'دادی-نانی کے نسخوں کو عالمی شناخت دلانے کی ضرورت'

مرکزی وزیر ہرسمرت کور بادل نے کہا کہ بھارتی دوائیں اور خوشبو دار مصنوعات ملک کی طاقت ہیں۔ ہزاروں برسوں سے دادیوں اور نانیوں کی مدد سے ہمارے گھروں میں بیماریوں کا علاج کیا جارہا ہے۔ انہیں دوبارہ عالمی سطح پر لانے کی ضرورت ہے۔

فوڈ پروسیسنگ انڈسٹری کی وزیر ہرسمرت کور بادل نے کہا ہے کہ ملک کی دواؤں کی مصنوعات اور دادی-نانی کے گھریلو نسخوں کو عالمی سطح پر شناخت دلانے کی ضرورت ہے۔ یہ بات محترمہ بادل نے وزارت کے تعاون سے ویڈیو کانفرنسنگ کے ذریعے لگائے گئے پہلے نامیاتی پیداوار پلانٹ کے افتتاح کے بعد کہی۔

نامیاتی انڈیا پرائیویٹ لمیٹڈ کی ٹی بیگ مینوفیکچرنگ یونٹ اترپردیش کے بارہ بنکی میں لگائی گئی ہے۔

مرکزی وزیر نے کہا کہ یہ یونٹ عالمی سطح پر ’برانڈ انڈیا‘ کے قیام میں مددگار ثابت ہوگا۔

کووڈ۔19 کی وبا نے ایک بار پھر قدرت کی طرف واپس مڑنے کی ضرورت کی نشاندہی کی ہے۔ بھارتی دوائیں اور خوشبو دار مصنوعات ملک کی طاقت ہیں۔ ہزاروں برسوں سے دادیوں اور نانیوں کی مدد سے ہمارے گھروں میں بیماریوں کا علاج کیا جارہا ہے۔ انہیں دوبارہ عالمی سطح پر لانے کی ضرورت ہے۔

انہوں نے کہا کہ کیمیائی اور جراثیم کشوں کا استعمال زیادہ تر بیماریوں کی جڑ ہیں۔ نامیاتی مصنوعات کو اپنانے سے اس کا حل ہوسکتا ہے۔