'ہائی اسپیڈ ٹرین پروجیکٹ میں مزید توسیع کی جائے گی'

ریاستی وزیر ریلوے سریش انگادی نے جمعہ کو راجیہ سبھا میں کہا کہ مرکز ملک کے دوسرے حصوں میں بلٹ ٹرین نیٹ ورک کے قیام کے امکانات کا جائزہ لینے کے لئے ایک تفصیلی مطالعہ کر رہا ہے۔

فی الحال مرکز نے ممبئی-احمد آباد ہائی اسپیڈ ٹرین پروجیکٹ کو منظوری دے دی ہے، جسے بلٹ ٹرین پروجیکٹ بھی کہا جاتا ہے، جس کی لمبائی 508 کلومیٹر ہے۔ اسے سنہ 2023 تک مکمل کرنے کی بات کی گئی ہے۔

سریش انگادی نے کہا کہ 'بلیٹ ٹرین سے متعلق ملک بھر میں ایک تفصیلی رپورٹ بنائی جارہی ہے، رپورٹ ملتے ہی ہم کام کا جائزہ لیں گے۔'

انہوں نے کہا کہ ایک بار موجودہ پروجیکٹ کامیاب ہوجاتا ہے تو مرکز اسے دہلی-کولکتہ، دہلی-ممبئی اور دوسرے شہروں میں شروع کرنے کے بارے میں سوچ سکتا ہے۔

انہوں نے کہا کہ ممبئی - احمد آباد ہائی اسپیڈ ٹرین پروجیکٹ 1،08،000 کرور کی لاگت سے بنائی جارہی ہے اور جون 2019 تک 3،226.8 کرور اس ٹرین پر خرچ ہوئے ہیں۔

انگادی نے بتایا کہ اس ٹرین میں 36 ہزار لوگ ایک ساتھ سفر کر سکتے ہیں اور کم سے کم کرایہ تین ہزار روپے تک ہو سکتا ہے۔

ماحولیات کے مدنظر سے انگادی نے کہا کہ 'پوری بلٹ ٹرین ایک اعلی ٹریک پر بنائی جارہی ہے، جس سے ماحولیات پر پڑنے والے اثرات کو کم سے کم ہوں گے۔'