G20 Summit 2023 جی ٹوئنٹی سربراہی اجلاس میں آج عالمی چیلنجوں کے حل کے لئے پیش رفت

قومی دار الحکومت نئی دہلی میں دو روزہ جی ٹوئنٹی سربراہی اجلاس کا آج دوسرا دن ہے اور یہ اجلاس جاری ہے۔ G20 Summit 2023 continues on second day in New Delhi

نئی دہلی: قومی دار الحکومت نئی دہلی میں منعقدہ دو روزہ جی 20 سربراہی اجلاس کا آج دوسرا دن ہے۔ جس میں "عالمی اعتماد کی کمی، موسمیاتی تبدیلی، اور پیچیدہ معاشی و اقتصادی مسائل سے نمٹنے کی طرف اہم پیش رفت ہوئی ہے۔ دنیا بھر کے رہنما ایک مزید پائیدار اور مساوی عالمی مستقبل کے لیے ایک نئے عزم کے ساتھ جمع ہوئے ہیں۔

سربراہی اجلاس کے دوسرے دن کا ایجنڈا: پی ایم مودی کی قیادت

وزیر اعظم نریندر مودی نے شاندار بھارت منڈپم میں منعقدہ 'ایک مستقبل' کے عنوان سے چوٹی کانفرنس کے دوسرے دن کے تیسرے اجلاس کی صدارت کی ذمہ داری سنبھالی۔ وزیراعظم نریندر مودی کی سفارتی مصروفیات بھی توجہ کا مرکز ہیں۔ وزیراعظم مودی فرانسیسی صدر میکرون کے ساتھ ملاقات کرنے والے ہیں جبکہ وزیراعظم مودی نے کینیڈا کے رہنماؤں کے ساتھ ایک طرفہ ملاقات کی ہے۔ توقع ہے کہ ان رہنماؤں سے ملاقات کے دوران بات چیت سے دونوں ممالک کے درمیان سفارتی تعلقات مزید گہرے ہوں گے اور باہمی خدشات پر تعاون کو فروغ ملے گا۔

وزیر اعظم نریندر مودی اور ترکی، متحدہ عرب امارات، جنوبی کوریا، یورپی یونین، یورپی کمیشن، برازیل اور نائیجیریا کے رہنماؤں کے درمیان دو طرفہ ملاقاتوں سے سرحدوں اور ثقافتوں سے بالاتر باہمی تعاون کے اقدامات میں مزید اضافہ ہوگا۔ وزیراعظم نریندر مودی نے کئی عالمی رہنماوں سے ملاقات کی۔

واضح رہے کہ G20 سربراہی اجلاس کے پہلے دن کئی تاریخی اعلانات کیے گئے ہیں ان میں سب سے اہم "عالمی اعتماد کی کمی" کے اہم مسئلے کو حل کرنے کا عزم تھا، جو کہ حالیہ برسوں میں اقوام کے درمیان اعتماد کے خاتمے کا اعتراف ہے۔ اس کے علاوہ گلوبل بائیو فیول الائنس کا آغاز، بھارت، مغربی ایشیا، یورپ کے درمیان ریل، پورٹ کوریڈور بنانے کی پہل کا اعلان، 'نئی دہلی اعلامیہ' کو سرکاری طور پر قبول کرنے کا اعلان اور افریقی یونین کو باضابطہ طور پر G20 کے نئے مستقل رکن کے طور پر شامل کرنا وغیرہ اہم اقدامات شامل ہیں۔