گزشتہ دنوں غازی آباد میں منعقد باکسنگ مقابلےمیں لڑکوں کے مقابلے لڑکیوں نے باکسنگ میں حصہ لے کر سب کو حیران کردیا۔
غازی آباد میں مقیم درجہ سات کی طالبہ ویشنوی باکسنگ سیکھ رہی ہیں، انکا کہنا ہے کہ وہ معروف بھارتی باکسر میری کام سے متأثر ہو کر اس مقابلے میں حصہ لے رہی ہیں۔
مقابلے کے دوران ویشنوی نے اپنے مد مقابل کھلاڑی پر مکوں کی برسات کرکےیہ ثابت کردیا کہ لڑکیاں لڑکوں سے کم نہیں۔
یہی نہیں ویشنوی کی والدہ بھی انکے ساتھ باکسنگ سیکھنے آتی ہیں، ماں بیٹیوں کا کہنا ہے کہ بہتر مستقبل اور حفاظت کے لیےآج باکسنگ سیکھنا خواتین کے لیے اشد ضرورت ہے۔
باکسنگ مقابلے کے منتظم اور کوچ نے ای ٹی وی بھارت کو بتایا کہ اس مقابلے میں لڑکوں کی بھی شمولیت ہوئی لیکن لڑکیوں کی تعداد میں اضافہ ہوتا جا رہا ہے، آج بچیاں ہر میدان میں اپنی فتح کا پرچم بلند کرتی نظر آرہی ہیں۔
اب بد معاشوں کی بھی خیر نہیں وہ سمجھ لیں کہ ان پر گھونسوں کی برسات ہو سکتی ہے۔