Ghalib Memorial Sermon Program: دہلی یونیورسٹی میں غالب کا یادگاری خطبہ پروگرام کا انعقاد

دہلی یونیورسٹی میں غالب یادگار خطبہ پروگرام کا اہتمام کیا گیا Ghalib Memorial Sermon Program جس میں کلاسیکی غزل شناخت و امتیازات کے عنوان پر دانشوروں نے اپنے خیالات کا اظہار کیا۔

دہلی یونیورسٹی کے شعبہ اردو میں ہر سال کی طرح رواں برس بھی غالب یادگار خطبہ کا اہتمام Ghalib Memorial Sermon Program کیا گیا، پروگرام میں کلاسیکی غزل شناخت و امتیازات کے عنوان پر دانشوروں نے اپنے خیالات کا اظہار کیا۔

اس موقع پر علی گڑھ مسلم یونیورسٹی کے پروفیسر قاضی جمال حسین نے پروگرام سے متعلق کلیدی خطبہ پیش کیا اور پروگرام سے خطاب کرتے ہوئے انہوں نے کلاسیکی غزل پر سیر حاصل گفتگو کی۔ پروگرام میں شریک جے این یو کے پروفیسر ڈاکٹر معین الدین نے کہا کہ کلاسکی غزل وقت کی اہم ترین ضرورتوں میں سے ایک ہے۔

شعبہ اردو کے صدر اور فیکلٹی آف آرٹس کے ڈین پروفیسر نجمہ رحمانی نے پروگرام کے مقاصد پر تفصیل سے روشنی ڈالی اور استقبالیہ کلمات میں کہا کہ یہ لمحہ میرے لیے تاریخی ہے۔ گذشتہ دو برس سے کورونا وائرس کے سبب غالب میموریل لکچر منعقد نہیں Ghalib Memorial Sermon Program ہو پایا تھا۔

پروفیسر نجمہ رحمانی نے کہا کہ 'میں اکثر سوچتی تھی کہ قاضی برادران ہمارے شعبے میں تشریف لائے اور آج میری دیرینہ خواہش پوری ہوئی۔ غالب کے موضوع پر ان سے بہتر نام شاید نہیں ہوسکتا تھا۔ یہ موضوع ہمارے طلبہ و طالبات کے لئے سود مند ثابت ہوگا۔

اس پروگرام کی صدارت پروفیسر قاضی افضال حسین نے کی جبکہ بطور مہمان خصوصی قومی کونسل برائے فروغ اردو زبان کے ڈائریکٹر پروفیسر شیخ عقیل احمد اور مہمان اعزازی پروفیسر سید سراج جمالی نے شرکت کی۔