گڈکری نے موبائل ایپ ’ہرت پتھ‘ لانچ کیا

مرکزی وزیر سڑک ونقل وحمل وقومی شاہراہ نتن گڈکری نے سڑک منصوبوں میں جدید اور ہرت ٹکنالوجی کے استعمال کا جائزہ لیتے ہوئے درختوں کی ای ٹیگنگ کرنے کے لئے آج موبائل ایپ ’ہرت پتھ‘ لانچ کیا اور منصوبے کے افسران کو ہدایت دی کہ سڑک کی تعمیری لاگت کو 25 فیصد کم کرنے کی سخت ضرورت ہے۔

نتن گڈکری نے ویڈیو کانفرنس کے ذریعہ سے جائزہ میٹنگ کرتے ہوئے ملک میں سڑک کی تعمیر میں جدید اور ہرت ٹکنالوجی کے استعمال کی ضرورت پر زور دیا اور کہا کہ سڑک کی تعمیر کی لاگت 75 فیصد تک محدود کرنے کے لئے مشن موڈ میں کام کیا جانا چاہئے۔

مرکزی وزیر نے افسران سے شاہراہوں پر صدفیصد درخت لگانے کا کام مکمل کرنے کے بارے میں ٹائم لائن کے سلسلے میں جب افسران سے سوال کئے تو انہوں نے یقین دہانی کرائی کہ مارچ 2022 تک شاہراہوں پر صد فیصد درخت لگانے کے ہدف کو حاصل کرلیا جائے گا۔

مسٹر گڈکری نے شاہراہوں کے کنارے درخت لگانے کے لئے خصوصی لوگوں اور ایجنسیوں سے کام کرانے کا مشورہ دیا اور کہا کہ اس کام میں غیر سرکاری تنظیموں، رضاکارانہ گروپوں اور باغبانی اور محکمہ جنگلات کو بھی شامل کیا جاسکتا ہے۔