ایندھن کی قیمتیں مستحکم

خام تیل کی قیمتوں میں استحکام کے درمیان گھریلو مارکیٹ میں بدھ کے روز پٹرول اور ڈیزل کی قیمتیں مستحکم رہیں۔

پٹرول اور ڈیزل کی قیمتیں ریکارڈ سطح پر برقرار

دارالحکومت دہلی میں پٹرول کی قیمت 90.83 اور ڈیزل 81.32 روپے فی لیٹر ہے۔ گذشتہ روز ان دونوں کی قیمتوں میں بالترتیب 25 پیسے اور 35 پیسے فی لیٹر کا اضافہ ہوا تھا۔

آئل مارکیٹنگ کی سرخیل کمپنی انڈین آئل کارپوریشن کے مطابق آج ان دونوں ایندھنوں کی قیمتیں مستحکم ہیں۔ گذشتہ روز عالمی منڈی میں خام تیل تقریباً مستحکم رہا۔

امریکی تیل کے ذخائر کے اعداد و شمار جاری ہونے کے بعد خام تیل پر دباؤ رہا، حالانکہ لندن برینٹ کروڈ اب بھی 65 ڈالر فی بیرل سے اوپر ہے۔

یواین آئی،