ہانگ کانگ میں مسلسل چوتھے دن ٹریفک میں رخنہ

ہانگ کانگ میں حکومت مخالف مظاہرین نے جمعرات کو مسلسل چوتھے دن شاہراہ اور نقل وحمل کے دیگر ذرائع میں رکاوٹ پیداکرنا جاری رکھا جس کی وجہ سےشہر کے اسکول،یونیورسٹی اور شاپنگ مال بند کرنے پڑے۔

بی بی سی کی رپورٹ کے مطابق اس دوران پولیس نے مظاہرین کو تتربتر کرنے کے لئے آنسوں گیس کے گولے بھی چھوڑے۔
کل رات شہر کے ایجوکیشن بیورو نے اعلان کیا کہ احتیاط کے طور پر سبھی اسکول بند رہیں گے جبکہ کئی یونیورسٹیوں نے بھی جمعرات سے اپنے کیمپس بند رکھنے اور ان میں پڑھائی نہ ہونے کا اعلان کیا ہے،شہر کے کئی اہم شاپنگ مال نے آج بند رکھنے کا اعلان کیا ہے۔

میڈیا نے مقامی ہسپتال کے افسروں کے حوالے سے بتایا کہ چین انتظامیہ اس علاقے میں حال ہی میں ہوئے مظاہروں کے دوران پولیس اور مظاہرین کے درمیان ہوئی جھڑپوں میں اب تک 64افراد زخمی ہوئے ہیں اور انہیں ہانگ کانگ کے مختلف ہسپتالوں میں داخل کرایاگیا ہے۔ہسپتال میں داخل لوگوں میں سے 34کی حالت مستحکم ہے اور 23افراد کو چھٹی دے دی گئی ہے جبکہ ایک شخص کا علاج ابھی بھی جاری ہے۔