شاہی جامع مسجد میں غیر ملکی سیاحوں پر پابندی

قومی دار الحکومت دہلی کی شاہی جامع مسجد میں کچھ غیر ملکی سیاحوں کے ذریعے ٹک ٹاک ویڈیوز بنانے اور مسجد کی حرمت سے کھلواڑ کرنے کا معاملہ سامنے آنے کے بعد شاہی جامع مسجد انتظامیہ نے اندرونی احاطے میں غیر ملکی سیاحوں کے داخلے پر پابندی لگا دی ہے۔

جامع مسجد کے امام احمد بخاری فی الحال دہلی سے باہر ہیں۔ انہوں نے اپنے ملازمین کو زبانی ہدایت دی ہے کہ وہ غیر ملکی سیاحوں کو احاطہ مصلیان تک آنے سے روکیں۔