دہلی پولیس نے تشدد کے دوران ہیڈ کانسٹیبل دیپک دہیا پر گولی چلانے والے شاہ رخ پٹھان کے خلاف کڑکڑڈوما کورٹ میں 350 صفحوں سے زیادہ پر مشتمل چارج شیٹ داخل کی ہے۔ شاہ رخ کو تین مارچ کو گرفتار کیا گیا تھا جو اب جیل میں ہے۔ اس تشدد میں پہلی گرفتاری شاہ رخ کی ہی ہوئی تھی۔
چارج شیٹ میں کہا گیا ہے کہ جانچ کے دوران اترپردیش کے کیرانا کے کلیم احمد نے شاہ رخ کو پناہ دی تھی اس لیے اسے بھی گرفتار کیا گیا ہے۔
پولیس نے بتایا کہ جانچ کے دوران تعزیرات ہند کی دفعات 147/148/149/216 بھی جوڑی گئی ہیں۔ اس سے پہلے186/353/307 کی دفعات کے تحت معاملہ درج کیا گیا تھا۔
انہوں نے بتایا کہ اس تشدد میں شاہ رخ، کلیم اور یاک دیگر یہاں کے گھونڈٓ کے رہنے والے اشتیاق ملک کے خلاف بھی چارج شیٹ دائر کی گئی ہے۔ اشیاق کی لوکیشن بھی جائے وقوع پر پائی گئی تھی۔
اس معاملے میں شاہ رخ کے پاس سے 7.65 کی ایک پستول اور دو کارتوس ضبط کیے گئے تھے۔
واضح رہے کہ شہریت ترمیمی قانون کے خلاف مظاہرین کے اس قانون کے حامیوں کے ساتھ جھڑپ تشدد میں تبدیلی ہوگئی اور تین دنوں تک شمال مشرقی ضلع کے کئی علاقوں میں تشدد ہوتا رہا جس میں 50 سے زیادہ لوگوں کی جان چلی گئی تھیں۔
